Samsung daha bir yeniliyi ilə diqqətləri cəlb etməyi bacarıb. Belə ki, Samsung həm paltar yuya, həm də quruda bilən süni intellekt dəstəkli BESPOKE AI cihazını təqdim edib. Ümumiyyətlə bu gün bir çox paltaryuyan və paltarqurudan cihaz mövcuddur. Lakin bu cihazların hər biri ancaq bir funksiyanı yerinə yetirə bilir. Yəni onlar ya paltarı qurudur ya da onu yuyur. Samsung brendi isə istifadəçilər üçün bu iki funksiyanın eyni anda yerinə yetirə bilən cihaz təklif edir. Əksər paltaryuyanlar isə qurutma rejiminə sahib olsa da paltarı, paltarqurudan qədər effektiv qurutmağ bacarmır.
İlin ən böyük texnologiya sərgillərindən biri olan IFA 2023 Berlin artıq başlayıb. Məhz bu sərgidə Samsung yeni BESPOKE AI cihazını təqdim edib. Paltarı həm yuya, həm də quruda bilən bu cihaz yeni rəqəmsal inverter texnologiyasına əsaslanır. Bundan əlavə cihazın adından da göründüyü kimi süni intellekt texnologiyasına sahibdir. Ümumilikdə 25 kq paltar yuma, 13 kq paltar qurutma qabiliyyəti olan cihaz həmçinin ağıllı ev bağlantısı imkanına da sahibdir. Hətta bunun üçün SmartThings adlı funksiya mövcuddur. Maraqlısı budur ki, enerji sərfiyyəti süni intellekt tərəfindən idarə edilir. LCD displeyə sahib olan cihaz istifadə olunan suyun bulanıqlığını da hesablaya bilir.
Cihaz bütün prosesi tamamladıqda avtomatik olaraq qapısını açır. Bu zaman isə nəmli hava xaric edilir. Dizayna nəzər yetirsək deyə bilərik ki, yeni cihaz minimalistdir. Bu isə onun müasir görünüşə sahib olmasına imkan verir. Həmçinin cihaz çox yer tutmur. Normalda həm paltaryuyan maşın, həm də paltar quruducu ayrılıqda nəhəng yer tutur. Lakin bu cihaz sadəcə 1 paltaryuyan maşını qədər yer tutur. Hələlik cihazın qiyməti məlum deyil.
