iPhone 14 seriyasının ən sevilən cihazları olan iPhone 14 Pro və iPhone 14 Pro Max modelləri dinamik ada ilə olduqca diqqət mərkəzindədirlər. Lakin çox təəssüf ki, Apple şirkəti bu dinamik ada olan bu ekranlarla bağlı texniki cəhətdən problemlər yaşamağa davam edir. Əgər xatırlayırsınızsa bir neçə həftə əvvəl ekranda yaşıl xətlərin və titrəmələrin yaranması ilə əlaqədar proqram təminatə xətası ortaya çıxmışdı. Sevindirici hal idi ki, texniki bir problem olmadığından aralıq yeniləmələrlə çətinlik həll oldu. İddialara görə həmin xəta məhz LG istehsalı ekran paneli quraşdırılmış iPhone modellərində yaranırdı. Həmin problemdən yeni can qurtarmışkən, indi də bəzi smartfon sahibləri dinamik ada kənarlarında yanıqlar yarandığını bildirirlər.
Dinamik Ada kənarlarındakı yanıqlar barədə rəsmi açıqlama verilməyib
Dinamik Ada ətrafında yaranan yanıqlar internetdə paylaşılan və bu paylaşımda sizlərlə bölüşdüyümüz fotolarda rahatlıqla görünür. Xatırladaq ki, aktiv olaraq genişləyə bilən Dinamik Ada gələn bildirişlərə uyğun olaraq müxtəlif formaları ala bilir. Yanıqların da məhz dinamik adanın açılıb-qapandığı hissəyə düşməsi görənləri biraz təəccübləndirib. İlkin ehtimallara görə dinamik adanın ekranın daim eyni hissəsindəki pikselləri söndürüb-yandırması belə bir texniki problemə sahib olur. Xüsusilə maksimum parlaqlığı 2000 nit kimi yüksək dəyərlərə çıxdıqda, ardıcıl təkrarlanan Dinamik Ada animasiyaları belə bir yanıq yaranma ehtimalı daha da yüksəlir.
Apple texniki servisi isə Dinamik Ada kənarlarında belə yanıqlar ilə bağlı şikayətlə daha əvvəl qarşılaşmadığını ifadə edib. Lakin Apple şirkətindən mövzu ilə bağlı rəsmi bir açıqlama gəlməyib. Apple Care+ planını almış zərərçəkən ekran panelinin pulsuz dəyişdirilməsindən yararlanıb. Ardıyca fərqli bir istifadəçi də eyni mövzu ilə bağlı atılan tvitə ekranında piksel yanığı olan iPhone 14 Pro cihazı ilə cavab verib. Mövzu ilə bağlı hal-hazırda şirkətin rəsmi açıqlaması gözlənilir.
