Galaxy Z Fold 3, qatlana bilən ekran altında kameraya sahib olan dünyadakı ilk cihaz idi. Bir neçə dəyişiklik edərək Samsung texnologiyanı Galaxy Z Fold 4 ilə irəli apardı və hazırda bunlar qatlana bilən ekranın altında kamerası olan yeganə iki smartfondur. Amma BOE, ZTE və Huawei bunu tezliklə dəyişə bilər. Məlumata görə, BOE, Huawei və ZTE ekranın altında kamerası olan qatlana bilən OLED ekran hazırlayıblar. Bu, Huawei Mate X4 cihazı ilə debüt edə bilər. Daha da əhəmiyyətlisi, üç Çin şirkəti tərəfindən birgə hazırlanmış yeni ekran, Galaxy Z Fold 3 və Galaxy Z Fold 4 də gördüyümüz problemlərin bu ekranda olmayacağıdır.
Ən son sızma Digital Chat Station ləqəbli insayderdən gəlir və bu yeni ekran Q8 adlanır. Hansı ki, 2,480 x 1,116 piksel təsvir ölçüsünə və 1,440Hz PWM qaralmasına malikdir. İddia edilir ki, panel Huawei cihazında nümayiş etdiriləcək, lakin o, ZTE-nin təcrübəsi ilə BOE tərəfindən istehsal edilib. Galaxy Z Fold 3 və Galaxy Z Fold 4-də ekranın altındakı kamera ilə çəkilən şəkillərin keyfiyyəti heç bir yerdə ənənəvi selfi kameraları ilə çəkilənlər qədər yaxşı deyil. Üstəlik bu sensor ekranın altına yerləşdirilsə də, bir neçə ssenaridə gözlə görünür. Son sızmaya görə, Q8 paneli bu problemlərdən azaddır.
Əgər bu, həqiqətən də doğrudursa, bu, istehlakçılar üçün əla xəbərdir, çünki biz tezliklə dəlikləri və çentikləri olmayan qatlanan ekranları olan daha çox cihaz görəcəyik. Samsung üçün isə Q8 OLED paneli problem yaradır. Galaxy Z Fold 5-də ekranın altındakı kameranın tətbiqinin sələflərindən daha yaxşı olacağını göstərən heç bir məlumat yoxdur. Bu o deməkdir ki, bu cihazda ekranın altındakı kamera ilə çəkilmiş selfilər keyfiyyətsiz ola bilər və kamera sensorunu əhatə edən ekran pikselli görünə bilər.
