Ötən Apple şirkəti İPhone modellərindən əlavə Apple Watch SE 2, Series 8 və Airpods Pro 2 aksesuarlarını təqdim etdi. Gəlin, ilk növbədə barələrində daha az danışılan bu cihazlara nəzər yetirək.
Apple Watch SE 2
Belə ki, Apple şirkətinin təqdim etdiyi ən ucuz ağıllı saatdan başlasaq Watch SE 2 modeli nəsil yeni çipseti istifadəçilərə daha sürətli ağıllı saat təcrübəsi təqdim edir. Ağıllı saatın performansı Watch 7 seriyası ilə müqayisədə 20% daha yüksəkdir. İstifadəçilərin öz sağlamlıqlarını daha yaxşı izləyə bilmələri üçün təkmilləşməyə davam edən Apple, yeni SE 2 də ürək döyüntüsünü və gündəlik sadə idman hərəkətlərini daha yaxşı ölçə bilən sensorlardan istifadə edib. 2020-ci ildə mıxmı sələfi ilə müqayisədə SE 2 yeni çipi ilə daha yaxşı batareya performansı vəd edir həmişə açıq ekran xüsusiyyətinə malikdir. WatchOS ilə qutudan çıxan Apple Watch SE 2 2 variantda satışa çıxarılacaq. Suya qarşı WR50 standartına əsasən, davamlıdır. 249 dollardan başlayan qiymətlə GPS bağlantısını dəstəkləyən, 299 dollardan başlayan qiymətlə eSIM bağlantısını dəstəkləyən model qarşımıza çıxacaq. Sonda qeyd edək ki, bu saatda həmişə açıq ekran və temperatur ölçülməsi xüsusiyyətləri mövcud deyil.
Apple Watch Series 8
Apple şirkətinin yeni nəsil ağıllı saatı təqdim edilməzdən əvvəl bir çox iddialar ortaya çıxmışdı. Pandemiyadan illər əvvəl, Apple şirkətinin ağıllı saatlar üçün uzunmüddətli sağlamlıq məqsədləri var idi. Elə ötən aylarda Apple Watch Series 8 ilə bağlı bir çox sızıntılarla da qarşılaşdıq. Bloomberg analitiki Mark Qurman, Watch Series 8 modelinə temperatur sensoru əlavə ediləcəyini iddia etdi. Təqdimatda isə iddiaların doğru olduğundan bir daha əmin olduq.
İstifadəçilərin uzun müddətdir istədiyi sensor sayəsində istifadəçinin temperaturu normadan yüksək olarsa, saat xəbərdarlıq edəcək. Bu sensor hər 5 dəqiqədən bir temperaturunuzu ölçəcək. 0,1 dərəcə selsi dəyişiklikdə belə temperatur dəyişikliklərini aşkar edəcək. Bundan əlavə, bütün gecə bədən istiliyini ölçə bilən Watch Series 8 qadınlara sıkılların dövrləri haqqında daha çox məlumat verəcək. Bu sayədə qadınlar izləmə prosesini daha ətraflı nəzarətdə saxlaya biləcəklər. Apple Watch Series 8 modelləri 45 mm və 41 mm olmaqla təklif ediləcək.
Yeni seriyanın bütün gün ərzində 18 saatlıq batareya ömrü olacaq. O, həmçinin aşağı güc rejimini də dəstəkləyir. Aşağı güc rejimi vasitəsi ilə Apple Watch 8 36 saata qədər batareya ömrü təqdim edəcək. Bu yeni rejim WatchOS 9 yeniləməsi ilə Series 4 modelindən sonra çıxmış digər Apple Watch modellərinə də gələcək .
Eyni zamanda, Watch Series 8 toqquşma təsbiti xüsusiyyəti ilə avtomobil qəzalarını da təyin edəcək. Bunun üçün ona iki yeni hərəkət sensoru əlavə edilib. Təsvirə görə, toqquşma funksiyası yalnız avtomobil sürərkən işləyəcək. Ağıllı saat dörd müxtəlif qəza növünü müəyyən edəcək: yuvarlanma, ön qəza, arxa qəza və yan qəza. Qəza olduqa ağıllı saat avtomatik olaraq başqalarından kömək istəyəcək. Bu xüsusiyyət isə saata quraşdırılmış akselerometr və X Y Z koordinatları üzrə hərəkət edə bilən 3 oxlu giroskop hesabına işləyir.
Yeni Apple Watch Series 8 modeli 16 sentyabrdan etibarən satışa çıxarılacaq. Watch Series 8 GPS dəstəkli modelin qiyməti 399 dollardır. GPS və eSIM dəstəkli versiyası 499 dollara satışa çıxarılacaq.
Apple Watch Ultra
Apple Watch Ultra modeli 7% daha böyük ekrana və titan korpusa malikdir. İndiyə qədər Apple Watch ailəsinin ən böyük qayışına da sahib olan cihaz 49 mm ekranla təqdim edilir. Sapfir kristalından hazırlanmış yüksək davamlı qoruyucu şüşəsindən əlavə olaraq, ekran panelinin özü 2000 nit parlaqlığa malikdir.
Watch Ultra modelinin dizaynında bəzi görkəmli dəyişikliklər var. Saatın sağ tərəfində Digital Crown və yan düymə , solda isə yeni fəaliyyət düyməsi var. Bu düymə tətbiqi işə salmaq və ya məşq etmək kimi tapşırıqlar təyin edərək saatı fərdiləşdirilə biləcək. Əlcək taxarkən də bu düymələrdən istifadə etmək rahat olsun deyə Apple mühəndisləri xüsusi əmək sərf edib. Elektrokardioqrafiya, qanda oksigen monitorinqi, çoxsaylı idman rejimi kimi sadə xüsusiyyətlər bu model üçün sanki, çərəzlik xüsusiyyətlər hesab edilir. Çünki, yeni saat xüsusilə bütün idmançılar və macəra həvəskarları üçün nəzərdə tutulub. Başqa sözlə desək bəlkə də alanların 50 %-lik hissəsinin heç vaxt işlətməyəcəyi mükəmməl, amma “lazımsız” görünən xüsusiyyətlərlə bu saatda qarşılaşa bilərsiniz.
Mobil əlaqə dəstəyi ilə gələn ağıllı saat bir dəfə doldurulmaqla 36 saata qədər baterya ömrü təqdim edəcək. Bundan əlavə, ekstremal şərtlər üçün 60 saat uzadılmış batareya ömrü funksiyasına da malikdir. Watch Ultra yeni L5 tezliyi də daxil olmaqla qabaqcıl GPS xüsusiyyətlərinə malikdir. Watch Ultra ən davamlı saat modeli olan kimi ekstremal şərtlərə tab gətirəcək. Məsələn, 180 metr uzaqlıqdakı insanları xəbərdar etmək üçün 86 desibel gücündə səs çıxara səs ucaldanlara malikdir.
Sualtında, dərinlik və daha çox təfərrüatları göstərə bilən WR100 suya və IP6X sertifikatına malikdir. IP sertifikatı bu saat üçün lazımsızdır, çünki 100 metrə qədər su dalışına davamlıdır. Üstəlik dalğıclar üçün qolda bələdçi kimi də istifadə oluna bilər.
Daha böyük 49 mm ekrana və titan korpusa sahib olan Apple Watch Ultra modelinin qiyməti 799 dollar olaraq təyin olunub. 23 sentyabrdan etibarən satışa çıxarılacaq.
AirPods Pro 2
AirPods Pro 2-nin dizaynı 2019-cu ildə buraxılan ilk modelə bənzəyir. Ancaq daha çox istifadəçiyə xitab etmək üçün daha yeni, əlavə kiçik qulaq ucu var.
H2 çipi ilə təchiz edilmiş yeni qulaqlıq qabaqcıl səs hesablama texnologiyalarına və yeni nəsil aktiv səs-küyün nəzarətinə malikdir. Bu xüsusiyyət sələfi ilə müqayisədə aktiv səs-küy nəzarəti miqdarını iki dəfə artırır. Yəni çöldən gələn səsləri 2 dəfə daha yaxşı bloklayır. Yeni çip xüsusi hazırlanmış drayver və gücləndirici ilə təchiz edilib. AirPods Pro, tamamilə yenilənmiş toxunma nəzarəti sayəsində səs səviyyəsini bir sürüşdürmə ilə tənzimləməyə imkan verir. Fərdiləşdirilmiş məkan səsi funkisyası isə istifadəçiyə səsi qulağa daha yaxşı uyğunlaşdırmağa kömək edir. Spatial Audio xüsusiyyəti ilə ətrafınızda səs-küy olsa belə yaxınınızda danışan və ya spesifik olaraq eşitməli olduğunuz səslər ayırd edilərək qulaqlıqdan sizə ötürülür.
Dizayn cəhətdən dəyişməyən qulaqlıq tək şarjla 6 saat istifadə imkanı təqdim edir. Yeni qulaqlığın şarj qutusu 30 saat istifadə oluna bilir. Bu, birinci modellə müqayisədə təxminən 33% (90 dəqiqə) artım və qutu üçün 6 saat daha çox tutum deməkdir.
Apple, Find My funksiyasını təklif etmək üçün şarj qutusuna da səs ucaldanlar yerləşdirib. Doldurma qutusunda Lightning portu var, lakin indi Apple Watch şarj cihazı, MagSafe və ya hər hansı Qi standartını naqilsiz şarj cihazından doldurula biləcək.
2-ci Nəsil AirPods Pro modelinin qiyməti 249 dollar olaraq açıqlanıb. Qulaqlıq 9 sentyabrda sifariş üçün hazır olacaq və 23 sentyabrda satışa çıxarılacaq. Düşüncələrinizi rəylərdə bizimlə bölüşməyi unutmayın.
