2019-cu ildə təqdim edilən və satışa buraxılan Apple AirPods Pro, Apple tərəfindən istehsal edilən ən yaxşı qulaq içi qulaqlıq kimi tanınır. Seriyanın ikinci modelinin gələcəyi iddia edilərkən məşhur Apple analitikləri Mark Qurman və Ming-Chi Kuo tərəfindən AirPods Pro 2 ilə bağlı maraqlı iddialar səsləndiriblər. Apple son illərdə qulaqlıqları ilə hər zövqə xitab edib. AirPods, AirPods Pro və AirPods Max qulaqlıqları ilə demək olar ki, hər istəyə uyğun qulaqlıq istehsal edən şirkət, ANC (Active Noise Cancellation) və şəffaf rejim kimi xüsusiyyətləri ilə istifadəçilərin diqqətini çəkməyi bacarıb. Keçən il 2022-ci ildə təqdim ediləcəyi iddia edilən Apple AirPods Pro 2 haqqında bəzi kiçik iddialar irəli sürülüb.
Airpods 2 Pro haqqında
Ming-Chi Kuonun iddialarına görə, AirPods Pro 2 əvvəlki modeldən daha yuvarlaq bir korpusa sahib olacaq. Daha əvvəl sızdırılmış dizayn şəkillərində olduğu kimi, Kuo qulaqlığın qutusunu itirdiyiniz zaman qutudan çıxacaq yüksək səs sayəsində onu tapa biləcəyinizi iddia edir. Biraz da dəqiq ifadə etsək qulaqlığın qutusu səs ucaldanlarla təchiz olunacaq. Beləliklə itirildiyi təqdirdə istifadəçilərin tapması üçün səs çıxaracağı gözlənilir. Bu məlumat hələlik dəqiq deyil.
Bloomberg yazıçısı Mark Gurman qeyd edir ki, qulaqlıqların dizaynı eyni qalacaq, lakin AirPods Pro 2 qulağa yaxınlaşdırdıqda işləyən sensorlar əvəzinə 3-cü nəsil AirPods kimi dəri aşkarlama xüsusiyyətinə sahib olacaq. Sadə dillə desək, dəri aşkarlama sistemi qulaqcığın qulağınızda və ya cibinizdə olduğunu müəyyən edir və bu sayədə qulaqlıqlar qulağınızda olmadıqda qulaqlığın təsadüfən işləməsinin qarşısını alır. Apple analitiki Ming-Chi Kuo da Qurman-ın iddiasını dəstəkləyən açıqlamalar verib.
Daha əvvəl, Galaxy Buds kimi çıxıntısız dizayna sahib olduğu iddia edilirdi. Amma qulaqlıqların ilk AirPods Pro ilə eyni dizaynla gələcəyini deyən mənbələr də vardır. Qulaqlıqların satışa çıxarılma tarixi məlum deyil. Bununla belə iddialara görə, Vyetnam müəssisələrində kütləvi istehsala başlanılıb və ən gec iPhone 14 seriyasının nümayiş olunacağı sentyabra qədər görünəcək. Bəs siz nə fikirləşirsiniz almaqa dəyərmi? Əgər analtiklərin dediyi kimi satışa çıxarılsa alacaqsınızmı? Fikirləriniz bizim üçün dəyərlidir. Bölüşməyi unutmayın!
