Yeni Apple Pencil ilk növbədə USB-C portunun olması ilə diqqəti cəlb edir və o, çox qeyri-adi şəkildə dizayn edilmiş şarj portu ilə fərqlənir. Belə ki, çox qəribə şəkildə yerləşdirilmiş konnektorları olan Apple məhsulları siyahısına Magic Mouse-dan sonra bu modeli rahatlıqla alamaq mümkündür.
Şəkildən də gördüyünüz kimi Apple burada USB-C bağlantı nöqtəsini Apple Pencil-in birbaşa yan tərəfinə quraşdırıb. Qiymətə və texniki xüsusiyyətlərin kasadlığına baxanda isə, əslində bunun bahalı model olmadığı tam aydın olur. Apple bildirir ki, yeni Apple Pencil qeydlər, eskizlər, yazılar və sair üçün idealdır. Çünki, Apple bu modelində iPad ilə işləmə zamanı heç bir təzyiqə həssaslıq və simsiz şarj əlavə etməyib. Bu da peşəkarların işini əhəmiyyətli dərəcədə qəlizləşdirir və bu Apple Pencil modelini onlar üçün yararsız edir.
Apple Pencil mat səthə və hamar kənara malikdir. O, iPad-ə ənənəvi qayada maqnitlə yapışa bilir. Lakin yenə də yüksək piksel dəqiqliyi, aşağı gecikmə sürəti və bucaq altında istifadəyə həssaslıq kimi xüsusiyyətlər ilə fərqlənməyi bacarır.
Şirkətin açıqlamasına görə noyabr ayında satışa çıxacaq bu qələm 80 dollardan müştərilərinə təklif ediləcək.
