Apple-ın 2025 və 2026-cı illərdə çıxaracağı M5 seriyalı prosessorları haqqında bütün diqqətləri öz üzərinə cəlb edən məlumat paylaşılıb. Belə ki, verilən açıqlamaya görə, Apple M5 prosessorları ilə server səviyyəli performans təklif edəcək.
Təcrübəli Apple analitiklərindən olan Ming-Chi Kuo brendin gələcək illər üçün planları haqqında diqqətçəkən açıqlamalar verib. Kuonun verdiyi açıqlamalara görə, Apple gələn ildən etibarən çıxaracağı prosessorlarla rəsmi olaraq yeni bir dövrə qədəm qoyacaq. O bildirir ki, Apple-ın gələn il bazara çıxaracağı M5 prosessorları performans və səmərəlilik baxımından əhəmiyyətli təkmilləşdirmə təklif edəcək. Bu çərçivədə; M5 prosessorları M4 prosessorlarından 10 faizə qədər daha səmərəli olacaq. Bundan əlavə, bu prosessorlar 3nm istehsal arxitekturasından keçəcək.
Əlavə olaraq isə, Apple 2026-cı ildə M5 Pro, M5 Max və M5 Ultra prosessorlarını təqdim edəcək. Əsl təkmilləşdirmə və ya yenilik isə məhz burada baş verəcək. Təcrübəli analitiklərin fikrincə, Apple yeni M5 prosessorlarda CPU və GPU-ları ayıracaq. Bu isə daha yüksək performans mənasına gəlir. Apple həmçinin M5 prosessorlarda “SoIC-mH” adlı server səviyyəli dizayna keçid etməyi planlaşdırır. Serverlər üçün nəzərdə tutulan prosessorlarda üstünlük verilən SoIC-mH dizaynı çipdə 30-50% daha az yer tutur. Məhz bununla da, istilik performansı və performans məhdudiyyətləri yox olur.
