Beləliklə, Apple tarixində yeni bir dövrə keçid kimi qiymətləndirilən iPhone X modelləri artıq “köhnəlmiş” elan edilib. İlk dəfə 2017-ci ildə debüt edən iPhone X modeli Apple tərəfindən vintage məhsullar siyahısına daxil edilib. Qeyd edək ki, iPhone X ilə yanaşı AirPods (1-ci nəsil) və HomePod (1-ci nəsil) cihazları üçün də dəstək başa çatıb.
![iPhone X köhnəlmiş](https://tedroid.com/media/2024/07/apple-iphone-x-kohnelmis.webp)
Ümumiyyətlə, Apple şirkətinin məhsul siyasətinə əsasən, məhsulun son buraxılış tarixindən 7 il keçdikdə, məhsul rəsmi olaraq köhnəlmiş hesab olunur. Habelə, köhnəlmiş hesab olunan cihazla bağlı təmir və digər xidmətlər artıq Səlahiyyətli Orqanlar tərəfindən həyata keçirilmmir. 2017-ci ildə ilk dəfə satışa çıxarılan iPhone X modelləri də artıq Apple tərəfindən “köhnəlmiş” cihazlar siyahısına daxil edilib. iPhone X seriyası Apple cihazları arasında xüsusi yerə sahib idi. Belə ki, ilk dəfə iPhone X seriyası ilə birlikdə Apple tam sensor ekran dizaynına keçid etmişdi. Belə ki, indiyə qədər Apple şirkətinin bütün flaqman smartfonları bu dizayn xəttini bəzi təkmilləşdirmələrlə də olsa davam etdirir.
Qeyd edək ki, Apple şirkətinin vintage məhsulları sırasına iPhone 4, iPhone 5, iPhone 6, iPhone SE, iPhone 8, iPhone 8 Plus aid idi. İndi isə bu siyahıya 2017-ci ildə debüt etmiş iPhone X modelləri də aid edilib. Apple Store mağazaları ehtiyat hissələrin mövcudluğundan asılı olaraq gələcək 2 il ərzində hələ də vintage” məhsullarına xidmət göstərməyə davam edəcək. Bəs siz Apple şirkətinin köhnəlmiş hesab etdiyi iPhone X modelini istifadə etmisinizmi?