Bir müddətdir sızıntılarla gündəmdə olan Xiaomi 15 və 15 Pro barədə xüsusiyyətlər məlum olmağa başlayıb. Bildiyiniz kimi, yeni nəsil telefonlar mühüm dizayn yenilikləri və qabaqcıl kamera sensorları ilə gələcək. Bu gün seriyanın standart modeli olan Xiaomi 15 haqqında bəzi məlumatlar ortaya çıxıb. Beləliklə, smartfon Snapdragon 8 Gen 4 və 50 MP üçlü kamera sensorları kimi təkmilləşdirmələrə sahib olacaq.
![Xiaomi 15 xüsusiyyətlər](https://tedroid.com/media/2024/07/xiaomi-15-yeni-xususiyyetler.webp)
Digital Chat Station tərəfindən paylaşılan məlumata görə, Xiaomi 15 əvvəlki modeldən daha kiçik və daha düz ekranla gələcək. Bundan əlavə, bu ekranın 1.5K ekran təsvir ölçüsü və ultrasəs barmaq izi oxuyucusu təqdim edəcəyi bildirilir. Əvvəlki modellərə nəzər saldığımız zaman Pro modellərində ümumiyyətlə QHD+, standart modellərdə isə FHD+ ekran olduğunu görə bilərik. Buna görə də Xiaomi 15 və 15 Pro arasında oxşar fərqlə qarşılaşa bilərik. Xiaomi 15 və 15 Pro-da ən böyük yeniləmə Snapdragon 8 Gen 4 çipseti olacaq. Hətta yeni flaqman smartfonların Snapdragon 8 Gen 4 istifadə edəcək ilk cihazlardan biri olacağı iddia olunur.
Smartfonun arxa tərəfində isə geniş diyaframlı 50MP əsas kamera yer alacaq. Bu isə o deməkdir ki, kamera performansı əvvəlki modeldən bir qədər yaxşı ola bilər. Habelə, smartfonun üçlü kamera sistemi ilə gələcəyi də artıq məlumdur. Hələlik Xiaomi 15 barədə paylaşılan xüsusiyyətlər bununla kifayətlənsə də yaxın günlərdə daha çox məlumatın ortaya çıxması gözlənilir. Qeyd edək ki, Xiaomi-nin hazırkı yol xəritəsinə görə, smartfonların oktyabrda təqdim olunacağını və gələn ilin əvvəlində qlobal miqyasda satışa çıxarılacağını görə bilərik. Beləliklə, Xiaomi 15-in qlobal bazara çıxması üçün bir az daha gözləməli olacaqsınız.