ABŞ-da daha bir maraqlı hadisə gündəmə gəlib. Belə ki, ABŞ-ın Florida ştatında yaşayan bir şəxs Walmart dronunu vurduğu üçün həbs edilib. Məlumatlara görə, Florida ştatında yaşayan 72 yaşlı Dennis Winn təyyarəyə atəş açmaq qanunsuz olduğu üçün həbs edilib. 9 mm-lik silahı ilə bir dəfə atəş açaraq Walmart-ın istifadə etdiyi yük dronunda daşınan paketi zədələyən Winn indi bir çox ittihamlarla (məsələn, açıq sahədə atəş açmaq, əmlaka ziyan vurmaq və s.) üzləşib.
Ümumiyyətlə, ABŞ-da bir neçə müddətdir ki, böyük market şəbəkələri eləcə də e-ticarət şəbəkələri tərəfindən dronlar istifadə olunur. Bu pilotsuz uçuş aparatları həm daha sərfəli, həm də daha cəld olduğundan insanlar tərəfindən geniş şəkildə istifadə olunur. Belə ki, hazırda yük dronlarından ən çox istifadə edən məhz Amazon şirkətidir. Amazon, dronlarla hava yüklərinin daşınmasını gələcəyin standartına çevirmək üçün işlərini davam etdirir. Bəzi bölgələrdə “Amazon Prime Air” adı ilə dron tədarükü də həyata keçirən şirkət, görmə qabiliyyətinin kənarında olan yerlərə daşınması üçün keçən ay ABŞ Federal Aviasiya İdarəsindən (BVLOS icazəsi) xüsusi icazə almışdı.
Dennis Winn isə Walmart şirkətinin yük dronunu vurduğu üçün həbs edilib. Winn polisə verdiyi ilkin açıqlamasında dronu uzaqlaşdırmağa çalışdığını, lakin bunu edə bilməyəndə atəş açmağa üstünlük verdiyini bildirib. Qeyd edək ki, Winn ABŞ qanunları çərçivəsində 1000 dollardan daha çox maddi zərər vermə və ictimaiyyətə açıq əraizə silahla atəş açmaq cəzaları ilə üz-üzə qalıb.
