BMW zavodunda sınaqdan keçirilən insanabənzər robot barədə ilk video rəsmi olaraq yayımlanıb. Maraqlısı budur ki, alman avtomobil nəhənginin fabriklərində istifadə edilən bu robotun arxasında Figure şirkəti yer alır. İnsanabənzər robotlar sahəsində mühüm işlər görən şirkətlərdən biri olan Figure son aylarda ilk kommersiya müqaviləsini imzalamışdı.
Figure tərəfindən inkişaf etdirilən və hazırlanan Figure 01 robotu ABŞ-ın Cənubi Karolina ştatındakı BMW istehsal müəssisəsindən bir müddətdir ki, sınaqdan keçirilirdi. Bu gün fabrikdə sınaqdan keçirilən insananbənzər robot barədə ilk video yayımlanıb. Aşağıda izləyə biləcəyiniz videoda Figure 01 robotunun avtomobilin kuzov hissələrini bir araya gətirdiyi və süni intellektin dəstəyi ilə verilən tapşırığı düzgün yerinə yetirə bildiyi üzə çıxır. Bu mərhələdə yavaş işləyən, lakin özünü düzəldərək və öyrənərək verilən tapşırığı yerinə yetirə bilən insanabənzər robot zamanla daha da təkmilləşəcək və göstərilən tapşırıqları çox daha dəqiq və daha sürətli yerinə yetirə biləcək.
Bu məsələ ilə bağlı TechCrunch-a verdiyi açıqlamada Figure, ilk mərhələdə beş fərqli vəzifəyə diqqət yetirəcəklərini ifadə edərək, robotun fabrikdəki işçiləri əvəz etməyi hədəfləmədiyini bildirib. Figure və BMW bu texnologiyanın faktiki istehsal prosesində necə performans göstərdiyini görmək istəyirlər və bu prosesdən hər iki tərəf mühüm məlumat toplayır. Ümumiyyətlə, uzun illərdir avtomobil istehsal prosesində rəqibləri kimi sabit robotlardan kömək alan və insanabənzər robotlar baxımından geridə qalmaq istəməyən Almaniyada yerləşən nəhəng avtomobil istehsalçısı, avtomatlaşdırma prosesini insanabənzər robotlarla daha “dinamik” etməyi hədəfləyir.
