Yağış yağanda birinə mesaj göndərmək yaxud telefonumuzla başqa bir iş görmək məcburiyyətində qalmaq olduqca bezdirici ola bilir. Düyməli telefonlardan istifadə olunan vaxtlarda belə problemlər baş vermirdi. Amma indi istifadə etdiyimiz telefonların ekranına duzlu yağış suyu dəydiyi zaman təəssüf ki, istifadə çətinləşir və smartfon ona toxunduğunuz zaman verdiyiniz əmrləri düzgün yerinə yetirə bilmir. Görünür ki, Apple bu problemin həlli üzərində işləyir və gələn il ya da daha sonrakı illərdə gələcək iPhone modellərində bu vəziyyətin yaşanmamasını istəyir. Belə ki, son xəbərlərə görə, Apple şirkəti su ilə təmasda olduqda belə rahat işləyə bilən sensor ekranı patentləşdirib.
Üstəlik Apple su problemi üçün həllini bir az daha irəli daşıyaraq ekrana düşən suyun miqdarını ölçə bilən nəmlik sensorunu da əlavə etmək istəyir. Bu detektor sayəsində ekran istifadəçi ilə qarşılıqlı əlaqəni qəbul etmə tərzini dəyişə biləcək.
Yuxarıdakı çəkildə dənizdə iPhone istifadə edən istifadəçi təsvir olunur. Patentdən göründüyü kimi, sensor panel su ilə təmasda olduğu zaman telefon bunu tanıyacaq və “nəmlik rejimi”ni aktivləşdirəcək.
Bu proyektin uğurlu ola biləcəyi və ya nə zaman istifadəyə veriləcəyi barədə dəqiq məlumat yoxdur. Digər hansı şirkətlərin öz cihazlarında bu problemi həll etmək üçün hansı üsullardan istifadə edəcəyinidə görəcəyik. Amma hazırki vəziyyətdə deyə bilərik ki, bu su probleminin həlli üzərində işləyən tək Apple şirkətidir. Bəs siz bununla bağlı nə düşünürsünüz? Fikirlərinizi şərhlər bölməsində bizimlə bölüşməyi unutmayın!
