Bu gün çəkilmiş fotoşəkilləri avtomatik redaktə edə bilən bir çox proqram var. Bu proqramların hər biri fotoşəkli təhlil edir. Məsələn, portret fotoşəklindəki dəri qüsurlarını redaktə olunaraq aradan qaldıra bilər. Fotoqrafların vaxtına xeyli qənaət edən bu sistemlər son zamanlar video görüntülər üçün də inkişaf etdirilir.
Retouch4me tərəfindən neyron şəbəkəsi ilə proqramlaşdırılmış ilk tətbiq əlavəsini (plugin, eklenti) yaratdığını elan edib. Bu əlavə dərinin qüsurlarını avtomatik olaraq son dərəcə sürətlə redaktə edir. Bu əlavə əl ilə yerinə yetirilməsi daha çox vaxt aparan işləri avtomatlaşdıra bilir. DaVinci Resolve video redaktorunda test edilən bu Heal OFX əlavəsi çox yaxşı nəticələr ortaya qoyub.
Retouch4Me-nin daha əvvəl üz dərisini redaktə edən əksər əlavələri dərinin saxta və plastik kimi görünməsinə səbəb olmuşdur. Lakin şirkətin süni intellektlə işləyən bu tip tətbiqləri xırda əllə redaktələr ilə əla nəticələr verməyə imkan yaradıb. Yeni Heal OFX isə dəridəki ləkələri aradan qaldırır, lakin üz quruluşlarını və dəri tonlarını toxunulmaz olaraq saxlayır. Bu da son dərəcə təbii və real görüntünün yaranmasına kömək edir. Qiyməti açıqlanmasa da təqribi 100$ səviyyələrində olan əlavə ilə Retouch4Me əslində iddia etdiyi görüntünü verməyi bacarır.
Süni intellekt əsaslı Heal OFX əlavəsi (plugin) necə işləyir ?
DaVinci Resolve video redaktə proqramında istifadə edə biləcəyiniz Heal OFX əlavəsi, əvvəlcədən öyrədilmiş süni intellekt hesabına canlı görüntülər yaradır.
Layihənin müəllifi və əsas tərtibatçısı Oleq Şaronov deyir:
Bəzi istifadəçilər ardıcıllıq yaradaraq və hər bir ayrı kadrı redaktə etməklə videoda bu effekti əldə edirdilər. Buna görə də biz işi sadələşdirmək, montajı rahatlaşdırmaq və video üçün neyron şəbəkəsindən istifadə etmək qərarına gəldik. Yalnız bir düyməyə basmaqla birbaşa DaVinci Resolve tətbiqində işlədə biləcəyiniz yeni əlavəni işə salırıq.
Videoqraflara redaktə prosessinə vaxt və daha çox resurs ayırmadan tez təbii görünən nəticələr əldə etməyə imkan verir. Heal OFX üzdəki ləkələri yox edir, həm də ləkələr və çilləri aradan qaldırır. “Unikal neyron şəbəkəsi videonun redaktə edilmiş fraqmentlərini izləyir və saxlayır. Hər bir ləkəni ayrıca silmək lazım olmur, sadəcə bir düyməyə basmaqla mükəmməl nəticə əldə edirsiniz”, – şirkət bildirir. Tətbiq emal dərəcəsinə nəzarət etməyə və lazım olmayan sahələri seçməyə imkan verir.
Şirkət Heal OFX-in təqdimat tarixini açıqlamayıb. Lakin bu Heal OFX ilə maraqlananlar məhsul satın alınmağa hazır olduğu zaman xəbərdar olmaq üçün şirkətin saytında qeydiyyatdan keçə bilərlər. Şirkətin fotoqrafiyaya əsaslanan əlavələrinin hər birinin 99-120 dollar arasında işlədiyini nəzərə alsaq, redaktorlar əlavə üçün layiqli məbləğ ödəməyi nəzərdən keçirməlidirlər.
