Tesla Almaniyada keçirilən sərgidə Starlink internet peyk sisteminə sahib günəş paneli ilə təchiz edilmiş qoşqu nümayiş etdirib, lakin istifadəçilərin onu satın alması hələlik mümkün görünmür.
Elektrikli nəqliyyat vasitələri daha səmərəli olduqca, bir çoxları mənzili artırmaq üçün elektromobillərə günəş panelləri əlavə etmək potensialını nəzərdən keçirməyə başlayır. Aptera, Sono və Lightyear kimi şirkətlər tavana quraşdırılmış günəş panellərindən istifadə edən səmərəli nəqliyyat vasitələrini bazara çıxarmaqla artıq müəyyən qədər uğur əldə edə biliblər.
Bununla belə, hazırda istifadədə olan elektrikli nəqliyyat vasitələrinə gəldikdə, günəş panelləri o qədər də populyarlıq qazanmayıb. Nəticələr göstərir ki, bu bir fikir o qədər də uğurlu deyil, çünki effektivliyi xeyli aşağı səviyyədədir. Lakin bir çox elektromobil sahibləri bəzən müxtəlif yollarla elektrikli avtomobillərinin qət edə biləcəyi məsafəni artıra bilən portativ şarj həlləri kimi daşına bilən günəş panellərindən yararlanmağı düşünə bilirlər.
Bu həftə Almaniyanın Hannover şəhərində keçirilən IdeenExpo sərgisində Tesla belə bir avtomobilər birləşdirilə bilən xüsusi qoşqu nümayiş etdiriblər. Günəş panelləri ilə təchiz edilən bu qəribə qoşqu elan edildikdə iştirakçılar xeyli təəccüblənib.
Günəş panelləri ilə əhatə olunmuş qoşqu həmçinin SpaceX-dən Starlink peyk internet qəbuledicisi ilə təchiz olunub. Starlink bu yaxınlarda öz sistemini hərəkət edən nəqliyyat vasitələrində internetdən istifadə etmək üçün yeniləyib. Yəni bundan sonra Starlink istifadəçiləri daim avtomobillərində və.s internetlə təmin oluna bilərlər.
Tesla şirkəti tərəfindən hazırlanmış qoşqu tezliklə satışa çıxarılmayacaq. Hələ ki, yalnız nümayiş üçün sərgidə bu qoşqu özünə yer tapıb. Siz bu haqqda nələr fikirləşirsiniz? Fikirlərinizi bizimlə bölüşməyi unutmayın.
