Lightyear-ın günəş enerjisi ilə işləyən yeni elektrik avtomobil modeli Lightyear 0 bu həftə təqdim edildi.
Elektrikli avtomobil bazarında rəqabət getdikcə artır. Bir tərəfdən sənayenin aparıcı adları daxili yanma mühərriklərindən imtina edir, digər tərəfdən yeni modellər ortaya çıxır. Onlardan biri olan Lightyear Hollandiyada keçirdiyi tədbirdə Lightyear 0 adlı günəş enerjisi ilə işləyən elektrik avtomobil modelini təqdim edib.
Lightyear 0 indiyə qədər təqdim edilən ilk günəş enerjisi ilə işləyən elektrik avtomobili deyil. Hətta Mercedes keçən il oxşar konseptli avtomobil təqdim etdi. Lakin Lightyear bu avtomobili satmaqda qərarlıdır. Qiyməti 250.000 Avrodur.
Bu modelin ilk prototipi təqdim ediləndə onun 720+ km məsafə qət edəcəyi deyilirdi. Bu gün gördüyümüz avtomobil 625 km məsafə qət edir. Ancaq yenə də deyək ki, bu bazardakı avtomobillərlə müqayisədə yaxşı bir dəyərdir.
Üstəlik üzərində yerləşən 4,8 m² günəş enerjisi panelləri sayəsində 70km məsafə qət edə bilir. Başqa sözlə, standart şəhər istifadə ssenarisində siz avtomobilinizi stansiyaya aparıb şarj etmədən istifadə edə bilərsiniz.
Əlbəttə ki, qış fəsli olan bir ərazidə yaşayırsınızsa, bəzən onu şarj etməlisiniz. Çünki avtomobilin günəş panelləri həmin vaxt açıq gündə təxminən 35 km getməyinizə imkan verəcək qədər batareyanı doldura bilir. Əslində, Lightyear-ın iddiasına görə, onu Hollandiya kimi iqlimlərdə iki ay, İspaniya və ya Portuqaliyada isə yeddi ay şarj etmədən istifadə edə bilərsiniz.
174 at gücünə malik avtomobil 1720 nm fırlanma anı hasil edə bilir. 0-100 km/saat sürətlənmə 10 saniyədən bir qədər azdır. Bundan əlavə, ən yüksək sürəti 160 km-dir. Onun fırlanma anı təsir edici olsa da, at gücü və digər məsələlərdə rəqiblərindən geri qalır.
Amma qeyd etmək lazımdır ki, Lightyear 0 modeli praktikada o qədər də effektiv olmaya bilər. Real şərtlər altında günəş panellərinin batareyanı həqiqətən vəd edildiyi qədər doldurduğunu görmək üçün testlərin edilməsi vacibdir. Elektromobil həmçinin telefondan açar kimi istifadə etmək, uzaqdan proqram yeniləmələri, Android Auto və Apple CarPlay kimi bir çox qabaqcıl texnologiyalarla gəlir. Bəs siz bu avtomobıl haqqında nə fikirləşirsiniz? Fikirlərinizi rəydə bizimlə bölüşməyi unutmayın.
