Qatlana bilən telefonlar istehsal edərək smartfon bazarında yerini böyüdən Samsung haqqında yeni patent iddiası irəli sürülüb. Bu iddiaya görə, texnologiya nəhəngi Samsung, son zamanlar ən populyar məhsullarından biri olan “Z” seriyasının yeni bir üzvü üzərində işləyir. Şirkət smartfon dünyasında yeni bir trend başlatmağa hazırlaşır.
Bu yaxınlarda Samsung haqqında bomba kimi bir iddia ortaya atıldı. Twitter vasitəsilə smartfonlar haqqında sızan mənbə iddia edir ki, Samsung Galaxy A seriyasına sərfəli və qatlana bilən smartfon əlavə edəcək. İndi ortaya çıxan iddialarda isə Samsung-un Z seriyasına yeni bir üzv əlavə ediləcəyi deyilir. Təxminən bir ay əvvəl məlum olub ki, Cənubi Koreya texnologiya nəhəngi insanların üstünülük verəcəyi maraqlı bir məhsul üzərində işləyir. Həmin patentə görə İstifadəçi telefonun ekranını yuxarı doğru uzada bilirdi. Lakin qısa bir müddət əvvəl məlum olmuş yeni patent Oppo X 2021 bənzəri yeni bir cihazla bağlı məlumat verib.
Samsung Galaxy Z Roll modelindən söhbət gedir?
İddialara və patentə görə Samsung qatlana bilən telefon seriyasına tamamilə fərqli görünüş verə bilər. Görüntülərdə şirkətin sürgülü mexanizmə sahib, yəni yana doğru genişlənən telefon təqdim etməyə hazırlaşdığı görüntülənib. Bu görüntülər Samsung-un qatlana bilən telefon dünyasındakı yerini möhkəmləndirməyə və bu mövzuda işlərini sürətləndirməyə çalışdığını göstərir.
Galaxy Z seriyasına aid olduğu ehtimal edilən ilk patent şəkli dəqiq ölçüləri və şaquli olaraq uzanan ekranın necə göründüyünü göstərir. İkinci şəkildə yan tərəfə açılan ekran dizaynı var. Ekranın üfüqi olaraq genişləndirilə bilməsi həm video izləyərkən, həm də oyun oynayarkən daha böyük ekrandan istifadə edə biləcəyimizin göstəricisi ola bilər.
Üçüncü və son təsvirdə yan tərəfə uzadılan ekranın təsviri var. Bu görüntü telefonun daha çox yana açılan kamerasının necə istifadə oluna biləcəyini göstərir. Eyni zamanda, bu şəkil telefonun sistemi ilə bağlı konfiqurasiya məlumatları və onun batareyasının yana doğru uzanması barədə bir az təsəvvür yaratmağa imkan verir.
Biz görürük ki, Samsung və digər böyük şirkətlər daim yeni məhsullar üçün patentlər alırlar. Bu patentlərin bəziləri həyata keçirilsə də, bəziləri yalnız görüntü olaraq qalır. Bu patentin Z seriyasının yeni üzvü olub-olmayacağı hələ məlum deyil. Siz bu cihaz haqqında nə fikirləşirsiniz? Fikirlərinizi bizimlə bölüşməyi unutmayın.
