Smartfonların bençmark platforması olan AnTuTu iyul ayının ən güclü Android smartfonlarını yayımlayıb. Smartfonlar üçün məşhur performans ölçmə platformalarından biri olan AnTuTu tərəfindən iyul ayının ən güclü Android telefonlarının adları açıqlanıb. İyul ayının ən güclü Android cihazlarında, top üstünlüyü Qualcomm istehsalı çipsetlərə malik cihazlar ələ alıb.
Çinlilər tərəfindən istehsal edilən smartfonlar elə AnTuTu üçün ən güclü smartfonlar oldu
Flaqman siyahısında yer alan demək olar ki, bütün telefonlar Snapdragon 8 Gen 2 çipseti ilə təchiz edilib. Bu cihazlar arasında Red Magic 8S Pro modeli 1 633 002 xal toplayaraq birinci yeri tutub. Siyahının ilk üçlüyündə yer alan digər modellər isə müvafiq olaraq iQOO 11S modeli 1 629 470 xal, Vivo X90 Pro+ modeli isə 1 611 508 xal toplayıb və iQOO 11 Pro modelinin 1 606 381 xallıq nəticəsi ilə siyahı tamamlanıb.
Vivo X90s, Oppo Find X6 Pro və ZTE Nubia Z50S Pro iyul ayının ən yaxşı performans göstərən telefonları siyahısında beşinci, altıncı və yeddinci yerləri ələ alıblar. Siyahıdakı son üç yerdə isə Vivo X Fold 2, Xiaomi 13 Ultra və OnePlus 11 yerləşib.
Flaqman qatili adlandırdığımız münasib qiymətli smartfonlar siyahısına gəldikdə, bu siyahıda Qualcomm əvəzinə daha çox MediaTek-in üstünlük təşkil etdiyini müşahidə edilib. Lakin ən üst pillədə olan 2 model məhz Snapdragon 7+ Gen 2 platforması tərəfindən dəstəklənir. Siyahının ilk üç pilləsində Redmi Note 12 Turbo modeli 1.150.430 xal, Realme GT Neo 5 SE modeli 1.131.196 xal və iQOO Neo 7 SE isə 949.420 xalla qərarlaşıb.
Qeyd edək ki, nəticələr AnTuTu V10 ilə hesablanır. AnTuTu V9 ilə müqayisədə nəticələrin müəyyən qədər fərqlənməsi, daha dəqiq desək artması müşahidə olunmaqdadır.
