Samsung-un 39.000 dollar qiymət etiketi ilə satışa çıxardığı 98 düymlük 8K televizor modeli QNC9900-u təqdim edib. Lakin ən maraqlı tərəfi Samsung istehsalı televizorun rəsmi olaraq TCL-nin CSOT bölməsinin istehsal etdiyi ekran paneli ilə təchiz edilməsidir.
TCL bildirib ki, şirkətin CSOT bölməsi Samsung-un flaqman 8K televizoru üçün ekran panelləri istehsal edir. Məlum olduğu kimi CSOT brendi TCL-nin ekran paneli istehsal edən bölməsidir və LCD panelləri ilə məşhurdur. Samsung QNC990 modelində istifadə edilən VA tipli panel CSOT-un özü tərəfindən təkmilləşdirilmiş HVA texnologiyasından istifadə edir.
HVA texnologiyası isə təkmilləşdirilmiş görüntü yeniləmə tezliyi, gecikmə müddəti və çox aşağı işıq sızması performansı təklif edən xüsusi polimer əsaslı şaquli düzülmə malikdir. TCL deyir ki, hazırlanmış ekran paneli əvvəlki nəsil LCD panellərlə müqayisədə daha az göz yoracaq şəkildə mühəndislikdən keçib.
Texniki xüsusiyyətlərdən danışsaq Samsung-un 98 düymlük 8K Neo QLED televizorun çata biləcəyi ən yüksək parlaqlıq 4000 nit olaraq təyin edilib. Rəng standartı baxımından HDR10+, 144Hz dəyişən görüntü yeniləmə tezliyi, AMD tərəfindən quraşdırılmış FreeSync Premium Pro texnologiyası, ətrafdan gələn işıq parıltısına qarşı örtük əldə edib. Lakin görüntü keyfiyyəti qədər şirkət səs standartlarını da maksimum dərəcədə təkmilləşdirib.
Televizora 120 W audio çıxışı olan 6.4.4 kanallı gücləndirilmiş səs ucaldanlar quraşdırılıb. AirPlay 2 dəstəyi, WiFi 6, Bluetooth 5.2 və hətta simsiz qulaqlıqlarda işlədilən Wireless Dolby Atmos kimi imkanlar mövcuddur.
