Bu gün texnologiya sahəsinin inkişafı bir çox təhlükələrə yol açır. Onlardan biri də smartfon asılılığıdır. Xüsusən bu problem azyaşlı uşaqlarda daha çox rast gəlinir. Belə ki, uşaqlar smartfonlardakı oyun və ya digər əyləncə vasitələrinə çox bağlanır və günlərinin böyük hissəsini orada keçirirlər. Bu isə onların sağlamlığına ciddi zərər vurur. Çin bu məsələ ilə bağlı addım ataraq uşaqların gündəlik telefon istifadəsini məhdudlaşdırmaq istəyir. Bildiyimiz kimi, Çin bü gün insanların ən sıx məskunlaşdığı ölkələrdən biridir. Əhali sayının çox olması ölkədəki smartfon asılılığını ciddi səviyyədə artırıb. Məhz bu səbəbdən dövlət problemin həlli üçün müəyyən təbirlər görmək istəyir.
Ümumiyyətlə Çin smartfon asılılığı problemi ilə bağlı ən çox addım atan ölkələrdən biridir. Daha əvvəl də Çin smartfon məhdudiyyəti ilə bağlı bir sıra qərarlar vermişdi. İndi isə Çin uşaqların gündəlik telefon istifadəsini məhdudlaşdırmaq istəyir. Belə ki, dövlət noutbuklara, telefonlara və o cümlədən planşetlərə xüsusi uşaq rejimi funksiyasının əlavə edilməsini istəyir. Əgər qərar qəbul edilərsə, ölkədə 8 yaşından kiçik uşaqlara görə 40 dəqiqə, 8-15 yaşlı uşaqlar üçün bir saat gündəlik telefon istifadəsinə icazə veriləcək. Lakin bu rəqəm 16 və 17 yaşlı yeniyetmələr üçün sadəcə 2 saat olacaq. Bundan əlavə bütün yaşdan olan uşaqlar üçün xüsusi vaxt məhdudiyyəti olacaq.
Yəni uşaqlar axşam saat 22:00-dan səhər 6:00-a qədər smartfondan istifadə edə biləməyəcək. Həmçinin Çin 3 yaşından kiçik uşaqların sadəcə musiqi və digər audio yönümlü məzmunları izləməsinə icazə verəcək. Əslində uşaqların telefon istifadəsini məhdudlaşdırmaq fikri ilk dəfə çində ortaya çıxmayıb. Bundan əvvəl UNESCO da uşaqların smartfonlardan istifadə etməsində bəzi məhdudiyyətlərin tətbiq edilməli olduğunu bildirmişdi. Hətta qurum həddən artıq smartfon istifadəsinin uşaqlarda zorakılığa, təhsildəki zəifliyə gətirib çıxaracağını bildirmişdi.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
