Gucci x Oura ağıllı üzüyün luks modelini, italiyanın moda evi Gucci, Oura şirkəti ilə birgə istehsal edib. Təqdimat artıq baş tutub və satışlara başlanılıb. Ağıllı saatın 18 karat olan versiyası 950 dollara satışa çıxıb. Sadə versiyası isə 300 dollara satılır.
Gucci-nin ağıllı üzüyü ürək döyüntüsünü, tənəffüsü, bədən istiliyini, yuxu rejimini və müxtəlif fəaliyyətləri izləyə bilir. Gucci-nin yeni ağıllı üzük modeli, ürək döyüntü ritmini sensor vasitəsi ilə müəyyən edir. Sensor barmaqdan keçən arteriyalarının qan axınını ölçür və nəticəni göstərir. İstifadəçi cihazı şarj etmədən rahat 1 həftə istifadə edə bilər. Üzük kiçik simsiz şarj stansiyası vasitəsi ilə şarj olunur (qutudan çıxır).
Gucci x Oura modelində aylıq abunəlik?
İsthesalçı ağıılı üzüyün sadə versiyasında aylıq 6 dollarlıq abunəlik əlavə edib. Yəni siz bu üzüyü əldə etdikdən sonra, toplanan məlumatları baxmaq və nəzarət edə bilmək üçün aylıq ödəniş etməlisiniz. Məsələn, istifadəçinin vərdişlərinin təhlili, yuxu keyfiyyətinin izlənməsi, aktivik dərəcəsi və məsləhətlər buraya daxildir.
Lakin əgər siz 18 karat qızıldan olan x Oura modelini alsanız, sizə ömürlük abunəlik veriləcək. Bu versiyanın əlavə özəlliklərdən biri, üzərində Gucci simvolları olmasıdır.
Sensor sayı və növləri
Üzükdə ümumi olaraq 10 sensor quraşdırılıb. Bunlardan 7-si hərarət sensoru, 3-ü isə LED sensorlarıdır. Qeyd edək ki, üzükdə olan bütün sensorlar eyni anda çalışır. Üzükdən tam rahat istifadə etmək üçün Oura App (Android və İOS) tədbiqidə mövcuddur. Gucci x Oura modelinin eni 3 santimetr təşkil edir və onunla 100 metr dərinliyə qədər üzə bilərsiniz.
Rəqiblərindən daha dəqiq çalışır?
Ağıllı üzüyün istehsalçıları iddia edir ki, rəqiblərindən fərqli olaraq, onların istehsal etdiyi məhsulun sensorlar daha dəqiq və düzgün çalışır. Bunun səbəbi ondadır ki, üzük istifadəçinin barmağına tam oturur. Eyni zamanda bu üstünlük cihazın mənfi təfərlərindən biridir. Yəni hər bir insanın barmaq ölçüsü və forması fərqlidir.
Amma Oura şirkəti istifadəçilərin bu problemlə qarşılaşmaması üçün, öncədən onlara barmaqlarını ölçmək üçün alət göndərir. Ardıyca məlumatlar şirkətə daxil olduqda, ölçülərə uyğun ağıllı üzük hazırlanır və istifadəçilərə göndərilir.
