Mümkünsüz görünsə də Drew Bellcock və Garrett McCurrach tərəfindən qurulan Pipedream, bunu reallaşdırmağı hədəfləyir. Bunun üçün hiperlogistika texnologiyasından istifadə ediləcək. Olduqca qəribə səslənir lakin, bu fikir yeraltı boru kəməri çəkməyə əsaslanır. Qısacası Pipedream məhsulların evlərə və digər müəsisələrə elə həmin anda çatdırılmasını təmin edən yeraltı borular şəbəkəsidir.
Pipedream prinsipi nədir?
Hər birimiz sifariş etdiyimiz məhsulu tez bir zamanda əldə etmək istəyirik. Bəs sifarişlərimizi 30 saniyə içində əldə etmək mümkündür? İndiki vəziyyətdə cavab əlbəttə ki “xeyr”dir. Amma ABŞ-da yerləşən Pipedream Labs şirkəti bu sualın cavabına “bəli” deyə biləcəyimiz bir vasitə üzərində işləməyə davam edir. Belə ki, Pipedream tamamilə boşaldılmış vakuum tunellər vasitəsilə yük paketlərini bir yerdən digər yerə daşıyacaq. Bunu yerə təmas etmədən aşağı hava müqavimətinə malik sürtünməsiz bir mühitdə mümkün edəcək. Keçən il Pipedream Labs şirkətinə 120.000 dollar yatırım edilmişdi. Hazırda isə şirkət bütün bu işləri öz kapitalı ilə həyata keçirməyə başlayıb. Əslində bu texnologiyanın ideyası yəni yeraltı borular şəbəkəsi fikri onlara aid deyil. Bu ideya 2010-cu illərin əvvəllərində əsası qoyulan Virgin Hyperloop One, Hyperloop Transportation Technologies və The Boring Company adlı şirkətlərə aiddir. Bu üç şirkətin əsas məqsədi isə günümüzün ən böyük problemlərindən biri olan yollardakı tıxaclara çarə tapmaq idi. Çünki, alternativ nəqliyyat növü hava nəqliyyatından təxminən 2 dəfə sürətlidir. Bundan əlavə, yeraltı nəqliyyat variantında hava şəraiti mənfi olsa belə işin gedişatına mane olmur.
Pandemiya şəraiti və küçəyə çıxmaq məhdudiyyəti insanları e-ticarətə daha çox yönəltdikdən sonra hərkəs ən qısa yoldan sifariş etdiyi məhsulu əldə etmək istəyir və şirkətlərdə bu tələbata uyğun olaraq ən qısa zamanda çatdırılma etməyin yollarını axtarır. Hətta bir çox şirkət tərəfindən dronlarla təmassız çatdırılma daha tez-tez gündəmə gəlməyə başladı. Drew Bellcock və Garrett McCurrach tərəfindən qurulan Piptedream-in ideyası ilə artıq sifarişimiz hava yolları ilə deyil yer altından gələcək. Daşıma prosesinin əsas prinsiplərinə aid edə biləcəyimiz sürətli və təhlükəsiz daşınmanın təmini üçün Pipedream yaxın gələcəkdə əvəzsiz rol oynayacaq.
