Antonio Lewis, adlı istifadəçi Galaxy Z Fold 3 telefonunun qatlama texnologiyasının dayanıqlılıq vədlərini yerinə yetirmədiyini iddia edərək telefon istehsalçısı Samsung şirkətini şikayət edib. İddiaya görə, Samsung reklamında telefonun 200.000 dəfədən çox qatlana və açıla biləcəyini bununda beş illik istifadəyə bərabər olduğunu söyləyərək ciddi sınaqlara dözdüyünü göstərmişdi.
İstifadəçi 1300 dollara aldığı Galaxy Z Fold 3 telefon modelinin gündəlik istifadədə qeyri-sabit olduğunu və ekranın getdikcə xarab olmağa başladığını, qoruyucu örtünün altında hava boşluqlarının əmələ gəldiyini və soyuq havalarda daha çox problemlərin əmələ gəldiyini iddia edib. O, texniki xidmətin ekran təmiri üçün 500 dollar istəməsi səbəbindən telefonun ona 1800 dollara başa gəldiyini bildirib.
Antonio Lewis həm də şikayətində Samsung şirkətinin Samsung Z fold 3 telefonunu verdiyi öhdəliklərin qarşısında dayanmadığını iddia edib. Məhkəmə şikayətində qeyd olunanlara görə Samsung şirkəti, Nyu-York Biznes Qanununu, Virciniya İstehlakçının Müdafiəsi Qanununu və ştatın istehlakçı fırıldaqçılıq aktlarını ödəmir.
Hələ yeni texnologiya olaraq göstərə bildiyimiz qatlana bilən ekranlı telefonların bir çox qüsurları vardır. Belə görünür ki, Samsung bu modelinin dördüncü nəslində bəzi problemləri artıq ortadan qaldırıb. Amma reallıq ondan ibarətdir ki, Fold 3 ekranı əsasən qatlanan hissədəki çatlar və ekranın zamanla aşınaraq uzanması səbəbindən müəyyən qədər uğursuzluq dərəcəsinə malik olub. Tərəflər yaxın həftələrdə dinləniləcək. Keçən il də ABŞ-da Samsung noutbuk modellərinin də qatlama mexanizmində yaranan problemlərə görə məhkəmə işi açılmışdı.
