Beləliklə, Xiaomi smartfon istifadəçilərinə daha bir xoş xəbər elan edib. Çinli texnologiya nəhəngi Xiaomi artıq smartfonlarındakı reklam probleminə son verməyi qərara alıb. Texnologiya nəhəngi, HyperOS sistemindəki bütün reklamları söndürə biləcək funksiyanı sınaqdan keçirir. Bu isə o deməkdir kİ, çox yaxında smartfonlardakı reklam problemləri aradan qaldırılacaq.
Xiaomi smartfonlarında yer alan ən əsas problemlərdən biri məhz reklamlar hesab olunur. Görünən odur ki, Xiaomi smartfonlarındakı reklam problemini həll etməyi qərar alıb. Belə ki, şirkət sistemdəki reklamları tamamilə söndürmək üçün yeni üsul hazırlayır. İstifadəçilər sadəcə parametrlərdə yer alacaq bir funksiyaya toxunmaqla bütün sistem reklamlarını söndürə biləcək. Qeyd edək ki, hazırda Xiaomi istifadəçiləri reklamları söndürmək üçün bir xeyli yol qət etməlidirlər. Bu isə istifadəçilər arasında mübahisələrin yaranmasına səbəb ola bilir.
Hazırda Xiaomi smartfonlarında reklamları söndürmək üçün istifadəçilər, sistemə səpələnmiş çoxlu variantları söndürməlidirlər Bu isə həm darıxdırıcı, həm də vaxtaparan prosesdir. Hazırda sınaq mərhələsində olan funksiya bu prosesi əhəmiyyətli dərəcədə asanlaşdıracaq. İstifadəçilər reklam təcrübələrinə aydın nəzarət edəcəklər. Xüsusiyyətin tətbiqi ilə bağlı məlumatlar hələlik çox azdır. Sistem proqramlarında reklamları söndürmək üçün təqdim edilən bu funksiyanın daimi olaraq əlavə edilib-edilmədiyi və ya bəzi ölkələrdə məhdud müddətə sınaqdan keçirilib-keçirilmədiyi məlum deyil.
