Hazırda dünyanın ən rəqabətli bazarlarından biri məhz smartfon bazarıdır. Belə ki, onlarla smartfon brendi öz məhsullarını fərqli dizaynlarda və fərqli çipsetlərlə təklif edir. Hələ bu bazar çindədirsə rəqabət daha da arta bilər. Xiaomi brendinin çətiri altında olan Redmi artıq bu rəqabətli bazarda 1 milyard smartfon satmağı bacarıb. Maraqlısı budur ki, çinli şirkət bunu smartfon bazarındakı 10-cu ilində bacarıb. 10 il ərzində Redmi brendi 1 milyard smartfon sataraq öz brendi üçün mühüm rekorda imza atıb.
Bildiyimiz kimi, Xiaomi şirkətinin altbrendi olan Redmi əsasən qiymət-performans üzərində fokuslanır. Məhz bu strategiya ilə cihazlar hazırlayan çinli smartfon brendi artıq 1 milyard smartfon satmağı da bacarıb. Xiaomi və Redmi prezidenti Lu Weibing bildirib ki, “Redmi smartfonları 10 ildə 1 milyarda çatdı. Smartfon bazarındakı rəqabətə 2013-cü ildə qoşulan Redmi bütün qərarları doğru verərəm bu gün ən yaxşı şəkildə böyüyüb”. Onu da qeyd edək ki, şirkət tezliklə Dimensity 8300 çipsetini istifadə edən ilk telefon olan Redmi K70 seriyasını satışa çıxaracaq.
Maraqlısı budur ki, işlər sadəcə Redmi tərəfində mükəmməl deyil. Belə ki, ilin 3-cü rübü üçün açıqlama verən Xiaomi də öz mənfəətini bir neçə dəfə artırıb. Hazırda Redmi brendi qiymət-performans üzərində fokuslandığı kimi, Xiaomi də digər smartfon nəhənglərinin flaqman cihazları ilə rəqabət apara biləcək smartfonlar hazırlamağa fokuslanıb. Məhz gələn il də texnologiya nəhəngləri müştərilərinə ən yaxşı cihazları təklif etmək üçün işə qoyulub.
