Kamera sahəsində liderlik edən nadir brendlərdən biri olan Sony süni intellekt alətlərinə qarşı tədbir görür. Belə ki, artıq Sony kameraları anti-deepfake qoruma sisteminə sahib olacaq. Sony, Associated Press ilə birlikdə internetdə yerləşdirilən fotoşəkillərin həqiqiliyini müəyyən etməyə imkan verəcək yeni “kameradaxili” autentifikasiya texnologiyasının sınaqlarını başa çatdırıb. Həmçinin şirkət məhsuldar süni intellekt modellərinin sürətlə inkişaf etdiyi bir mühitdə bu həllin xüsusilə vacib olduğunu bildirir.
Bildiyimiz kimi süni intellekt tərəfində yeniliklər çox sürətli olur. Belə ki, ötən aylarda deepfake texnologiyası ilə istənilən insanın üzünü, səsini və ağız hərəkətlərini təqlid edərək ona istənilən sözləri dedirtmək mümkün olmuşdu. Məhz bu tərz təhlükəli süni intelellekt alətlərinin ortaya çıxması Sony kimi nəhəng şirkəti məcbur edib ki, anti-deepfake sistemi hazırlasın. Qeyd edək ki, bu sistem vasitəsi ilə Sony kameraları şəkillərin yaradılması zamanı çərçivədə xüsusi rəqəmsal imza buraxır. Məhz bu texnologiyanın ən yaxşı tərəfi odur ki, hazırd mövcud olan avadanlıqlarda hər hansı detalı dəyişməyə ehtiyac olmadan proqram yenilənməsi ilə bütün kameralara əlavə ediləcək. Həmçinin bu yenilik Sony a1 və a7S III və yeni çıxacaq Sony a9 III modelləri, eləcə də Alpha flaqman kamera seriyalarının əksəriyyətini dəstəkləyəcək.
Qeyd edək ki, xüsusi rəqəmsal imza mövzusunda isə Sony və AP, Photo Mechanic proqram təminatının tərtibatçısı Camera Bits ilə əməkdaşlıq edib. Məhz bu texnologiya nəhəngləri birlikdə süni intellekt alətlərinin məlumatları redaktə edərkən xüsusi rəqəmsal imzanın qorunması yollarını araşdırdılar. Görünən odur ki, bu yolu artıq tapıblar. Sony Electronics-in prezidenti və baş əməliyyat direktoru Neil Manowitz bildirir ki,“Yanlış məlumatların və şəkillərin yayılması təkcə fotojurnalistlərə və xəbər agentliyi tərəfdaşlarına deyil, bütövlükdə cəmiyyətə zərər vuran real sosial nəticələrə malikdir”.
