Son illərdə avtomobil sektorunda olduqca güclü bir ada çevrilən və bütün diqqətləri öz üzərinə cəlb edən Xiaomi bu dəfə də investisiyalarını artırmaq istəyir. Belə ki, Çin mərkəzli Xiaomi, elektrikli avtomobil investisiyaları üçün 5.5 milyard dollar dəyərində səhm satıb.
Qeyd edək ki, avtomobil sənayesinin ən təəccüblü şirkətlərindən biri sayılan və qısa müddətdə 200 min elektrikli avtomobil sataraq diqqət çəkən Xiaomi, investorların dəstəyi ilə daha çox böyüməyi planlaşdırır. 2025-ci il üçün 350 min avtomobil tədarük etməyi qarşısına məqsəd qoyan və 2027-ci ildə qlobal bazara çıxmağı planlaşdıran Xiaomi, Pekin şəhərindəki fabrikinin üçüncü fazasında işlərini davam etdirir. Texnologiya nəhəngi həmçinin, süni intellekt xüsusiyyətləri üçün də 1 milyard dollarlıq Ar-Ge büdcəsi ayırıb.
Təbii ki, belə sürətli artım həm də böyük büdcə tələb edir. Şirkət ehtiyac duyduğu vəsaiti əldə etmək üçün səhm satışı turu təşkil edib. 200 investorun qatıldığı raundda ilkin planda 750 milyon səhm satışı nəzərdə tutulduğu halda, göstərilən böyük maraqla bu rəqəm 800 milyona yüksəldilib. Qeyd edək ki, Xiaomi elektrikli avtomobil investisiyaları üçün satdığı bu səhmlərdən 5.5 milyard dollar vəsait əldə edib. Şirkət göstərilən maraqdan məmnun qalarkən, işlərin daha da sürətlənəcəyi qeyd edilib.
