Volvo Cars şirkətinin çətiri altında olan Polestar iddialı elektromobillərindən sonra smartfon hazırlamağı düşünür. Ümumiyyətlə son dövrlərdə bir çox texnologiya nəhəngi ənənəvi qaydalara zidd addımlar atır. Belə ki, Huawei kimi şirkətlər avtomobil sahəsinə Polestar kimi şirkətlər isə telefon sahəsinə daxil olur. Bu cür şirkətlər əsasən öz sahələrində uğur əldə etdikdən sonra digər sahələrdə də öz adlarından söz etdirməyə çalışırlar. Hətta bunun bariz nümunəsi məhz Polestar şirkətidir.
Xatırladaq ki, Volvo Cars şirkətinin alt brendlərindən olan Polestar özünün yeni Polestar 2 və 3 modelləri ilə diqqətləri cəlb etmişdi. Əslində şirkət 2018-ci ildən bəri Polestar 1 modelindən başlayaraq özbaşına elektromobil hazırlayır. Daha əvvəl isə bir çox Volvo modelinin hazırlanmasına yaxından iştirak edib. İndi isə Polestar yeni Polestar 4 modeli ilə birlikdə smartfon da təqdim etmək istəyir. Artıq avtomobil nəhəngi Meizu adlı smartfon istehsalçısı ilə razılıq əldə edib.
Maraqlısı budur ki, Polestar brendi yeni smartfonu ilə satış rekordları qıracağını və ya əhəmiyyətli bazar mövqeyi qazanacağını gözləmir. Polestar CEO-su bunu iki dünyanın birləşməsi kimi görür. Məsələn, təsəvvür edin ki, siz telefonunuzda proqramdan istifadə edirsiniz və avtomobilə daxil olan zaman həmin proqram avtomobilin idarə paneli ekranında göstərilir. Çox güman ki, telefonu açar kimi istifadə etmək mümkün olacaq. Görünn odur ki, Polestar avtomobillərini təkərli mobil telefon halına gətirəcək.
