Avtomobil nəhəngləri elektromobilləri ilk dəfə hazırlayarkən tək bir məqsəd vardı, bu isə ətraf mühitə zərərsiz olmaları idi. İndi isə elektromobillərə olan tələbat o qədər artıb ki, dünyada benzin istehlakı əhəmiyyətli dərəcədə azalıb. Belə ki, Çinin ən böyük neft şirkəti Sinores bildiirir ki, elektromobillər Çində benzin istehlakını azaldıb və azaldacaq. Hətta netf nəhəngi 2025-ci ilə olan proqnozunu dəyişmək məcburiyyətində qalıb. Ümumiyyətlə bu gün çin elektromobil sahəsində liderlik edir. Məhz bu da ölkədə benzin satışlarına təsir göstərir.
Proqnozlar göstərir ki, Çinli avtomobil istehsalçıları hər il daha çox elektrikli model satır. Belə ki, bu göstərici 2020-də sadəcə 5.4%, 2021-cə 15.5% və nəhayət 2022-də 30%-ə yüksəlmişdir. Bu ilin sonunda bu rəqəmin 40-dan az olacağı gözlənilmir. Bu isə o deməkdir ki, elektrikli modellər artıq benzin və dizel mühərrikli modelləri qabaqlayacaq. Təbii ki, elektromobillər üçün tələbatın bu qədər artması çində benzin satışlarına da öz təsirini göstərir. Sinores şirkəti daha əvvəl 2025-ci ilə qədər benzin satışlarının sonuncu rekord həddə çatacağını proqnozlaşdırmışdı. İndi isə şirkət satışların ən yüksək səviyyəsinin ötən illərdə olduğunu və bu göstəricinin gün keçdikcə azalacağını proqnozlaşdırıb.
Baxmayaraq ki, Çin elektromobil satışında bazarda liderlik edir, ötən il Norveç, İsveç və İslandiya kimi ölkələrdə elektrikli modellər müvafiq olaraq 87.8% və hər iksi üçün təqribi 56% səviyyələrində təşkil edib. Artıq indidən çində netf satışları 15 milyon ton azalıb. Ümumiyyətlə Çin son 20 ildə neft sahəsində aparıcı rola malik idi. Lakin indi vəziyyət qəlizləşir və neftə, benzinə olan tələbat azalır.
