Bir zamanların ən çox satılan və ən məşhur smartfon seriyası olan Samsung Galaxy Note 10 artıq tarixə qovuşur. Belə ki, texnologiya nəhəngi 4 il əvvəl təqdim etdiyi bu modelləri üçün yenilənmə dəstəyini dayandırır. Artıq Galaxy Note 10 istifadəçiləri yenilikləri istifadə edə bilməyəcək. Hazırda bir çox smartfon istehsalçısı flaqman modelləri üçün 5 ilə qədər yenilənmə dəstəyi vəd edir. Lakin ötən illərdə bu rəqəm sadəcə 2-3 ilə məhdudlaşırdı. Məhz bu səbəbdən bir çox əfsanəvi smartfon bu ildən etibarən yenilənmə dəstəyi ala bilməyəcək. Onlardan biri də Galaxy Note 10 seriyasıdır.
Ümumiyyətlə smartfon nəhəngləri kifayət qədər resurs ayırmaq istəməməsi və ya köhnəlmiş əməliyyat sistemi səbəbindən artıq bu modellər üçün yenilənmə dəstəyi təklif etmir. Çünki bu modellərin yenilənmə dəstəyi üzü-astarınnan baha başa gəlir. Samsung şirkəti də Galaxy Note 10 seriyası üçün eyni addımı ataraq yenilənmə dəstəyini kəsir. Texnologiya nəhəngi artıq yeni hazırlayacağı modellərə fokuslanır.
Xatırladaq ki, 2019-cu ildə təqdim edilən Galaxy Note 10 seriyası yəni Note 10 və Note 10 Plus modelləri Android 9 əməliyyat sistemi ilə gəlmişdi. İndi isə bu seriya 3 illin yenilənmə və 4 illik təhlükəsizlik yenilənmə zəmanətini bitirdir. Bu həftədən etibarən bu modellər heç bir yenilənmə əldə etməyəcək. Onu da qeyd edək ki, Galaxy Note 10 Lite modeli bir il sonra yəni 2020-ci ildə istehsal edildiyi üçün hələ də yenilənmə dəstəyi alır.
