Son vaxtlar Tesla şirkətindən hec xoş xəbərlər gəlmir. Bunları sizlərə xəbər olaraq çatdırmışıq. Tesla şirkətindən indiyə qədər eşitdiyiniz pis xəbərləri unudun. Reuters xəbər verir ki, Tesla işçiləri 2019-2022-ci illər ərzində daxili mesajlaşma sistemləri vasitəsilə avtomobillərin kameraları tərəfindən qeydə alınan şəxsi videoları paylaşıblar. Qəzaların, təhqiramiz hadisələrin və utancverici səhnələrin videoları, Tesla işçiləri tərəfindən daxili əyləncə məqsədləri üçün işlədilib və şəxsi qrup çatlarında paylaşılıb. Keçmiş bir işçi də iddia edib ki, bəzi videolar avtomobillər sönülü olduqda belə çəkilib.
Əvvəllər Tesla müştərilərin təsdiqlədiyi təqdirdə şirkətə işləməyən avtomobillərdən qeydlər aparmağa icazə verən bir siyasətə malik idi. Lakin Hollandiya Məlumat Mühafizəsi Təşkilatı Tesla avtomobillərinin tez-tez avtomobilə yaxınlaşan hər kəsi qeydə aldığını və Tesla-nın avtomobillərinin kameralarını söndürməsinin lazimi olduğunu təsbit etdi. Tesla şirkətinin 2019-cu ildə işə saldığı Sentry Mode, sürücüləri park edilmiş avtomobilləri ətrafında şübhəli hərəkətlər barədə xəbərdar etmək və qeydə alınmış hadisələri avtomobilin yaddaşında saxlamaq üçün təqdim edilən bir xüsusiyyət idi.
Tesla bu xüsusiyyətə 2021-ci ildə yeni bir funksiya gətirdi. Artıq sürücülər Tesla tətbiqindən öz avtomobillərinin ətrafını canlı yayımlaya bilirlər. Tesla, Sentry Mode qeydlərinin şirkətə ötürülmədiyini və canlı yayımların ucdan-uca şifrələndiyini və şirkət üçün əlçatmaz olduğunu iddia edirdi. Lakin Sentry Mode xüsusiyyəti Almaniya və Çin də daxil olmaqla, bir sıra ölkələrdə potensial məlumat pozuntuları ilə bağlı narahatlıqlara səbəb olub.
