Tesla şirkəti bu yaxınlarda Türkiyəyə gələcəyini açıqlamışdı. Elektrik avtomobil istehsalçısı bu gün keçirdiyi tədbir çərçivəsində rəsmi olaraq bazara daxil olduğunu açıqlayıb. Tesla şirkəti Model Y avtomobilini ilk olaraq Türkiyə bazarına çıxaracağını və avtomobilin sabahdan etibarən ön sifariş üçün hazır olacağını açıqladı.
Tesla Model Y Türkiyə bazarına Berlin Gigafactory təsisindən göndəriləcək. Bu təsis həftədə 5 min elektromobil istehsal gücünə malikdir. Tesla Model Y Türkiyə qiyməti 1 milyon 548 min 732 TL olaraq açıqlandı. Buda təxminən 137 min Azərbaycan manatına bərabərdir. Bu qiymət 455 km məsafəyə malik arxa ötürücülü əsas versiyadır. Model Y Long Range versiyası 1 milyon 619 min 532 TL ilə bazara girəcək. Bu isə təxminən 143 min Azərbaycan manatına bərabərdir. Bu versiya ikimühərrikli tam ötürücülüdür və tam şarjla 533 km məsafə qət edə bilir. Model Y Performance versiyası avtomobilin üst paketidir. Bu versiyada həmçinin ikimühərrikli tam ötürücülü və 514 km məsafə qət edir. Tesla Model Y avtomobilləri fabrikdə quraşdırılacaq BTK tərəfindən təsdiq edilmiş SIM kartlarla internetə qoşula biləcək. Bu isə avtomobillərə Türkiyənin yerli mobil operatorları ilə uyğunlaşdırılmış (fiziki SIM modulu) dəstəyi verildiyini göstərir. FSD (Full-Self-Driving) avtonom idarəetmə xüsusiyyətinin may ayına qədər hazır olması planlaşdırılır.
Tesla Model Y 4 apreldən etibarən yenidən Tesla rəsmi saytında əvvəlcədən sifariş üçün təqdim olunacaq. Ön sifariş qiyməti 10.000 TL olacaq (təxminən 885 Azərbaycan manatı). Avtomobillərin təhvil verilməsi may ayında baş tutacaq. Çatdırılmaların İstanbul Akasya və Kanyon AVM -də ediləcəyi bildirilib. Şirkət hələ ki, qapıya çatdırılma imkanını Türkiyədə aktivləşdirməyib.
İlkin sifarişlərlə İstanbul, Ədirnə, Bolu və Ankarada 30 Supercharger şarj stansiyası sabahdan etibarən aktivləşdiriləcək. Stansiyalarda 1 kWh şarj haqqı Tesla modelləri üçün 6,9 ilə 7,7 TL(təxminən 60-70 qəpik) arasında olacaq. Digər markalı elektrikli avtomobillərin şarj ödənişi isə 8,6 TL(təxminən 70 qəbik) olacaq. Bildirilir ki, son elan edilən qiymətlər çatdırılma tarixinə qədər dəyişə bilər. Tesla Model 3, Model 3 və Model X-in Türkiyəyə gəlişi, bazar şəraitindən və vergi qaydalarından asılıdır.
