Ötən il kamera sahəsinin liderlərindən biri olan Sony smartfonlar üçün kamera istehsal edən Lytia adlı şirkət yaratmışdı. İndi isə Lytia brendi yeni kamera sensorlarını təqdim edib. Belə ki, bunlar 50 MP və 53 MP olan yeni kamera sensorlarıdır. Ümumiyyətlə Sony şirkəti kamera tərəfində köklü təcrübəyə sahib şirkətdir. Şirkət bu təcrübəsini smartfon kamerası sahəsində daha da təkmilləşdirmək istəyir. Bu məqsəd ilə də Lytia brendi yeni LYT900 adlı 1/0.98 düymlük 50 MP kamera sensorunu təqdim edib.
Sony şirkətinin Lytia brendinin yeni LYT900 kamera sensoru əsasən aşağı enerji sərfiyyatı ilə möhtəşəm performans təklif edir. Qeyd edək ki, LYT900 kamera sensorundan əlavə bir neçə kamera sensoru da təqdim edilib. Bunlara 1/1.43 düymlük 50 MP LYT800, 1/1.56 düymlük 50 MP LYT700 və 1/1.953 düymlük 50 MP LYT600 kamera sensorlarıdır. Bundan əlavə şirkət daha az performanslı 1/2.93 düymlük 50 MP LYT500 kamera sensorunu da təqdim edib.
Texnologiya nəhəngi bildirir ki, son dövrlərdə müasir smartfon modellərinin əksəriyyəti məhz 50 MP kamera sensoru ilə təchiz edilir. Məhz bu səbəblə də şirkət yeni kamera sensorlarını müxətlif optik ölçüdə lakin eyni MP formatda təqdim edib. Sony bununla həm flaqman həm də büdcə dostu smartfonlarda Lytia brendinin kamera sensorlarının istifadə edləcəyini düşünür. Bundan əlavə Sony Xiaomi şirkəti ilə də kamera sensoru sahəsində əməkdaşlıq etməyə hazırlaşır. Hətta bununla bağlı ötən günlərdə That_Kartikey ləqəbli insayder xəbər vermişdi.
