Meta şirkətinin ən populyar platformalarından biri hesab olunan Instagram süni intellekt əsaslı funksiyaların sayını artırmağa davam edir. Belə ki, Artıq Instagram sizin üçün avtomatik şərh yaza bilən yeni süni intellekt əsaslı funksiya üzərində çalışır. Ümumiyyətə son dövrlərdə Meta bütün platformalarında əsasəndə Instagramda süni intellekt texnologiyalarına xüsusi önəm verir. Hətta ötən günlərdə məşhur insayder Alessandro Paluzzi platformada yeni süni intellekt əsaslı çatbotun olacağından xəbər vermişdi. Maraqlısı budur ki, bu dəfə də Instagram sosial şəbəkəsindəki yeniliyi eyni adlı insayder xəbər verir.
Alessandro Paluzzi idda edir ki, Instagram sizin üçün avtomatik olaraq şərh yaza biləcək yeni funksiya hazırlayır. Hətta bu funksiya şərh yazarkən solda görünəcək. Instagram bu funksiyanı əsasən şərh yazmaq üçün vaxt sərf etmək istəməyən və ya şərh yazmaqdan utanan istifadəçilər üçün nəzərdə tutur. Hətta insayderin fikrinə görə bu funksiya istifadəyə verildikdən sonra çox ciddi istifadəçi sayına sahib olacaq. Çünkü bir çox insan şərh yazmaq üçün vaxt sərf etmək istəmir, şərh yazarkən utanır və bu günümüzün reallığıdır.
Bundan əlavə Instagramın yeni süni intellekt əsaslı çatbotu 30 fərqli versiyaya sahib olacaq. İstifadəçilər çatbot ilə söhbətə başlamadan əvvəl 30 versiya arasında seçim edəcək. Hələlik bu versiyaların nəyə görə bölündüyü və hansı xüsusiyyətlərə sahib olduğu məlum deyil. Hazırda süni intellekt əsaslı yeni çatbot inkişaf və hazırlıq mərhələsindədir. Qeyd edək ki, hər iki yenilik eyni yenilənmə ilə istifadəçilərə təqdim oluna bilər.
