Smartfon çipseti bazarında vəziyyət qəlizləşir. Belə ki, Smartfon çipseti bazarında MediaTek və Qualcomm arasındakı rəqabət getdikcə qızışır və hər iki nəhəngin göstəricisi bir-birinə yaxınlaşır. Counterpoint mənbəsi bu ilin ikinci yarısında smartfon çipseti bazarındakı vəziyyəti araşdırıb. Nəticədə məlum olub ki, MediaTek və Qualcomm demək olar ki, eyni göstəriciyə sahibdir. Bundan əlavə Apple şirkətinin bazar payı getdikcə azalır. Ümumiyyətlə son dövrlərdə bir çox ağıllı cihazlarda MediaTek brendinin Dimensity, Qualcomm şirkətinin isə Snapdragon seriyalı çipsetlərindən istifadə olunur. Apple çipsetləri isə yalnız iPhone seriyalı smartfonlarda istifadə olunduğu üçün bazar payı getdikcə azalır.
Maraqlısı budur ki, smartfon çipseti bazarında lider illərdir MediaTek şirkətidir. Lakin bu dəfə MediaTek şirkətinin bazar payı çox azalıb, hətta Qualcomm ilə demək olar eyni göstəriciyə sahib olub. Qeyd edək ki, bu ilin ikinci yarısında MediaTek şirkəti 30% bazar payına sahib olub. Həmçinin Qualcomm şirkətində bu göstərici 29% təşkil edib. Xatırladaq ki, ötən ilin ikinci yarsında bu göstəricilər müvafiq olaraq 36% və 32% təşkil edib. Habelə bu ilin birinci yarısında MediaTek 33%, Qualcomm 27%, Apple isə 26% bazar payına sahib olmuşdu. Bu dəfə isə Apple rekord səviyyədə geriləyib.
Snapdragon son dövrlərdə flaqman smartfon seriyalarında möhtəşəm performans göstərdiyi üçün bazar payı artır. Eynilə MediaTek brendinin Dimensity çipsetləri daha sərfəli qiymətə, yüksək performans təklif etməklə orta səviyyəli bütün cihazlarda istifadə olunur. Lakin görünər odur ki, Qualcomm yaxın gələcəkdə MediaTek brendini ötəcək. Apple isə hər yeni iPhone seriyasını təqdim etdikd bazar payını artırır. İlin digər aylarında isə nisbətən durğun satış göstəricisinə sahib olur.
