Ümumiyyətlə, şəffaf OLED displeylər və ya televizorlar artıq bir neçə müddətdir ki, həyatımıza daxil olub. Lakin, buna baxmayaraq şəffaf televizorlar heç də texnologiya nəhəgləri və eləcə də istehlakçılar tərəfindən üstün tutulmur. Bunun əsas səbəbi isə bu displeylərin olduqca baha qiymətə təklif olunması idi. İndi isə bir neçə müddətdir ki, həyatımıza daxil olan şəffaf televizorlar daha ucuza hazırlanacaq. Tədqiqatçılar şəffaf ekranları hər kəs üçün əlçatan edəcək bir üsul hazırlayıblar.
Xatırladaq ki, bu ilin əvvəlində LG, Signature OLED T modeli ilə şəffaf ekran texnologiyasını istehlakçılara təklif edəcəyini açıqlamışdı. Bununla belə, şəffaf ekranlar və televizorlar inanılmaz dərəcədə bahalı olaraq qalır. Digər tərəfdən, tədqiqatçılar şəffaf ekranları hər kəs üçün əlçatan edəcək texnologiya inkişaf etdirərək maneələri aradan qaldırırlar. Koreya Maşın və Materiallar İnstitutunun (KIMM) tədqiqatçıları dünyada ilk dəfə olaraq qapalı və açıq havada quraşdırıla bilən 100 düymlük nanoşəffaf ekran (NTS) hazırlayıb və kommersiyalaşdırıblar. Məlumatlara görə, yeni hazırlanmış nano-şəffaf ekran mövcud ekranların onda biri qiymətə başa gələcək. Bu isə şəffaf ekranı televizorlar üçün daha ucuza istehsal xərci deməkdir.
Nanoşəffaf ekranın ekranın şəffaflığını mühitə uyğun tənzimləyə də bilir. Yeni hazırlanmış displeyin böyük mağazalar və supermarketlərdəki şəffaf televizorlar üçün uyğunlaşdırılması da gözlənilir. Qeyd edək ki, yeni ekran texnologiyası sadəcə KIMM tədqiqatçıları tərəfindən həyata keçirilməyib. Tədqiqatçıların sözlərinə görə, Koreyada yerləşən Meta2People şirkəti onlarla əməkdaşlıq edib. Bu şirkət KIMM tərəfindən orijinal patentləşdirilmiş texnologiyaya qoyulan sərmayə ilə ötən il yaradılmışdır. Hazırda mövcud olan şəffaf OLED displeylərin qiyməti təxminən 70 min dolları ötə bilir. Lakin, yeni texnologiya ilə bu xərc 7 min dollara qədər azaldıla bilər.
