Samsung Electronics-in keçmiş baş meneceri yarımkeçirici texnologiyanı Çinə sızdırmaqla Cənubi Koreyanın Sənaye Texnologiyalarının Mühafizəsi Aktını və Ədalətsiz Rəqabətin Qarşısının Alınması Qanununu pozduğuna görə 7 il həbs cəzasına məhkum edilib.
Qeyd edək ki, müttəhim yəni keçmiş rəhbər, Samsung-un 18nm DRAM proses məlumatlarını Çinin yeganə DRAM yarımkeçirici istehsalçısı olan CXMT-yə icazəsiz çatdırmaqda ittiham olunur. CXMT Samsung texnologiyasını düzgün olmayan şəkildə əldə etməklə texnoloji maneələri dəf etməyi bacarıb. Məhkəmə isə bildirib ki, “Samsung Electronics-in milli əsas texnologiyası kimi təsnif edilən 18 nanometrlik DRAM prosesi məlumatının qeyri-qanuni yolla əldə edildiyini və sonra açıqlandığını, sızdırıldığını və istifadə edildiyini göstərən iddianamədəki faktlar mahiyyətcə cinayət hesab olunur” deyə açıqlama verib.
Habelə, məhkəmədə verilən qərarda, “Bu cür cinayətlər müvafiq sahələrdə sağlam rəqabəti və əməliyyat nizamını ciddi şəkildə pozur. Bunlar Cənubi Koreyanın milli sənaye rəqabət qabiliyyətinə mənfi təsir göstərən böyük cinayətlərdir” deyə bildirilib. Ümumiyyətlə, Çin dünya üzrə texnologiya nəhənglərindən əsas məmurları işə götürməkdə ittiham olunur. Belə ki, Çin şirkətləri indiki maaşlarını ikiqat artırmağı təklif edirlər. Bu yolla isə Çin artıq texnologiya tərəfində və avtomobil tərəfində rəqabəti gücləndirib.
