Hindistan hüquq-mühafizə orqanları Vivo-nun Hindistandakı 40-dan çox ofisinə basqın edib. Qeyd olunub ki, reydin keçirilməsinə səbəb çirkli pulların yuyulması şübhəsi olub.
Bütün dünyada sürətlə yüksəlişini davam etdirən Çin mərkəzli texnologiya nəhəngi Vivo ötən gün böyük bir hadisə ilə qarşılaşıb. Hindistan və Çin arasında gərginliyin artdığı günlərdə baş verən basqın Vivo şirkətinin çirkli pulları yuyulması ittihamları ilə bağlı həyata keçirilib. Şirkətin Hindistandakı 40-dan çox ofisinə ölkənin çirkli pulların yuyulması ilə mübarizə qüvvələri tərəfindən basqın edilib.
Vivo bir müddətdir Hindistanda nəzarət altındadır. Aylardır Hindistanın icra müdirliyinin qüvvələri şirkətin əmlak və maliyyə hesabatlarında pozuntulara yol verib-vermədiyini araşdırırıb. Eyni qurum aprel ayında digər Çin nəhəngi Xiaomi-dən 725 milyon dollar ələ keçirib.
Təzyiqlər mediaya əks olunduqdan sonra şirkət açıqlama verib. TechCrunch-a danışan Vivo Hindistan rəsmiləri şirkətin bütün lazımi məlumatları təmin etmək üçün səlahiyyətlilərlə əməkdaşlıq etdiyini bildirdi. Həmçinin “Məsul şirkət olaraq biz Hindistanda qanunlara tam əməl etməyə sadiqik.” deyə bildirilib.
Çin texnologiya şirkətləri Hindistanda smartfon bazarına hökmranlıq etməyə davam edərkən, Hindistan Çinə qarşı bəzi mübahisəli məhdudiyyətlər də tətbiq etmişdi. Məsələn, TikTok və PUBG Mobile tətbiqləri ölkədə “təhlükəsizlik narahatlığı” səbəbiylə qadağan edilib. Bu qərarlar iki ölkənin sərhədindəki gərginlik nəticəsində meydana gəlmişdi.
Digər tərəfdən Apple, Google və Amazon kimi bir çox texnoloji nəhəngi təmsil edən bir Hindistan Mobil və Elektronika Assosiasiyası, Hindistan hökumətini royalti ödənişlərinin necə ödənildiyini anlamamaqda günahlandırıb. Siz bu haqqda nə fikirləşirsiniz? Fikirlərinizi bizimlə bölüşməyi unutmayın.
