Reuters-in irəli sürdüyü iddiaya görə, ChatGPT-ni inkişaf etdirən OpenAI, bu dəfə ilk süni intellekt prosessoru üçün Broadcom və TSMC ilə işləyir. Görünən odur ki, OpenAI bu dəfə süni intellekt çipseti tərəfindən liderliyi öz əlində tutmaq istəyir.
Ümumiyyətlə, OpenAI tərəfindən hazırlanmış ChatGPT kimi süni intellekt sistemləri çox böyük server sistemləri sayəsində işləyir və bu serverlərin əksəriyyətində Nvidia tərəfindən istehsal olunan çiplər mövcuddur. Bunun son dərəcə yüksək xərclər yaratdığını bilən şirkətlər məhsuldar süni intellekt sistemləri üçün öz prosessorlarını inkişaf etdirirlər. OpenAI CEO-su Sam Altman da bu mövzu üzərində çalışan adlar arasındadır. Belə ki, WSJ-nin məlumatına görə, Altman hazırda dünyanın çip istehsal gücünün artıracaq iddialı texnologiya üçün vəsait cəlb etmək niyyətli ilə Birləşmiş Ərəb Əmirlikləri hökuməti də daxil olmaqla çoxsaylı investorlarla görüşür.
Altmanın yeni texnologiyası ümumilikdə yeni nəsil süni intellekt sistemlərinin işləməsini də effektivləşdirəcək. Altmanın nəzərdə tutduğu layihənin 5 trilyon ilə 7 trilyon dollar arasında nəhəng resurs tələb edə biləcəyi bildirilir. Bu gün bu məsələni yenidən gündəmə gətirən mənbə isə Reuters olub. Belə ki, Xəbər agentliyinin məlumatına görə, Broadcom süni intellekt nəhəginə çip dizaynında kömək edir və ilk çipin istehsalı üçün şirkət TSMC ilə də əməkdaşlıq edəcək. Hazırda hər şey qaydasında olarsa, bu çipin 2026-cı ildən sonra istehsala buraxılması gözlənilir. Bundan əlavə, OpenAI-nin serverlərinə Nvidia ilə yanaşı AMD-nin də süni intellekt çiplərini əlavə etdiyi bildirilir.
