Çinə daha az performanslı süni intellekt sürətləndiriciləri ixrac edən Nvidia, embraqoya rəğmən inanılmaz səviyyədə maraq cəlb edir və sifarişlər əldə edir. Belə ki, şirkətin Çin üçün təxminən 1 milyon H20 sürətləndiricisi satması gözlənilir. Süni intellekt sürətləndiriciləri ilə bağlı rəqibsiz hala gələn Nvidia şirkəti Çindəki üstünlüyünü də qoruyub saxlaya bilir.
H20 sürətləndiricisini embarqo səbəbiylə daha az xüsusiyyətləri ilə Çinə göndərən Nvidia böyük diqqət çəkir. Son aylarda Çin mərkəzli Huawei Ascend 910B kimi yerli oyunçuların, xüsusən də KOBİ tərəfində əhəmiyyətli satışları Nvidia şirkətini qorxutmuşdu. Hətta bu səbəbdən şirkət öz sürətləndiricilərinə 10% endirim etmişdi. Məhz bununla bağlı olaraq da H20 sürətləndiricilərinə olan tələbat inanılmaz səviyyədə artıb. Mənbələr Nvidia-nın bu il təxminən 1 milyona yaxın H20 sürətləndiricisi satacağını təxmin edir.
Bununla yanaşı, Huawei təxminən 500 minə çatacaq. Beləliklə, Nvidia Çin bazarında belə hələ də Huawei-dən üstündür, çünki, ABŞ mərkəzli texnologiya nəhəngi daha çox böyük serverlərə xidmət edir. A və H seriyalı sürətləndiriciləri olan şirkətlər təbii olaraq Nvidia-ya üstünlük verirlər. Maraqlısı budur ki, Nvidia-nın embarqolara baxmayaraq təkcə Çindən təxminən 12 milyard dollar gəlir əldə edəcəyi ifadə edilir. Təbii ki, tələb davam edərsə, bu rəqəm daha da arta bilər. Analitiklərin bu il üçün proqnozu çip satışında 40 milyard dollar idi, lakin Çinin təsiri ilə daha yüksək rəqəmlər görmək qaçınılmaz ola bilər.
