Nvidia süni intellekt tərəfində çip istehsalının artırmağa çalışır. Belə ki, ortaya çıxan məlumata görə, Nvidia şirkətinin yeni nəsil Blackwell çipinin hər biri 70 min dollara başa gələcək. Ümumiyyətlə, yeni hazırlanan Blackwell B100 və B200 süni intellekt çiplərinin ən ucuzu 30 min dollara təklif olunacaq. Bundan əlavə, server xərcləri də milyonlarla dollarla ifadə edilir.
Analitiklər, Nvidia şirkətinin Superchip platformaları və serverlərini əhatə edən Blackwell məhsullarının hazırkı Hopper seriyasından əhəmiyyətli dərəcədə daha çox gəlir əldə edəcəyi gözlənilir. HSBC analitiklərinin fikrincə, süni intellekt tətbiqləri üçün Nvidia şirkətinin Blackwell Superchip həllərinin vahid dəyəri 30 min dollardan 70 min dollara qədər olacaq. Məlumatlara görə, təkcə Blackwell GB200 Superchip (CPU+GPU) həllinin qiyməti 70 min dollar civarında olacaq.
Təbii ki, şirkətlər bu çipləri ayrılıqda almırlar və Nvidia ümumiyyətlə onları fərdi şəkildə satmır. Əvəzində süni intellekt nəhəngi, B200 NVL72 serverləri ilə müştərilərə çatacaq. Qeyd edək ki, bu serverlərin hər birinin 3 milyon dollara başa gələcəyi bildirilir. Nvidia-nın yeni nəsil giriş səviyyəli Blackwell B100 GPU-nun orta satış qiymətinin 30.000 ilə 35.000 dollar aralığında olacağı gözlənilir, bu qiymətin indiki H100 ilə uyğunlaşdığını söyləyə bilərik. Bildirilir ki, tək Grace CPU-nu iki B200 GPU ilə birləşdirən daha güclü GB200-ün qiyməti 60-70 min dollar arasında olacaq. Lakin bu rəqəmlər sadəcə analitik təxminlərdir. Yəni şirkət bu rəqəmlər müştərilərdən asılı olaraq dəyişə bilər.
