Yaranmasından dörd ay keçməsinə baxmayaraq, Microsoft 100 nəfərlik metaverse komandasını işdən çıxardı. Belə ki, komanda, müştərilərə sənaye şəraitində metaverse istifadə etməkdə kömək etmək üçün cəmi dörd ay əvvəl yaradılmışdı. The Information tərəfindən verilən xəbərə görə, Microsoft tərəfindən hər iki həmtəsisçi də daxil olmaqla Industrial Metaverse layihəsi üzərində işləyən 100-ə yaxın işçidən ibarət bütün komandanı işdən çıxarılıb.
Bu Industrial Metaverse elektrik stansiyalarının, nəqliyyat şəbəkələrinin və sənaye robotlarının idarə edilməsi üçün proqram interfeyslərini inkişaf etdirmək, ümumilikdə isə Metaverse platforması yaratmaq planları ilə 2022-ci ilin oktyabrında Microsoft tərəfindən yaradılmışdı. Bununla belə, Industrial Metaverse layihəsinin şirkət daxilində Project Bonsai olaraq adlandırılan komandası da, Microsoft şirkətinin işdən çıxartdığı 10,000 nəfərlik ixtisarın qurbanlarına əlavə olundu.
Üstəlik tək imtina edilən sahə metaverse ilə əlaqədar deyil. Bildirilir ki, 2013-cü ildə Erik Romo tərəfindən qurulan və 2017-ci ildə Microsoft tərəfindən alınan sosial virtual reallıq platforması AltspaceVR də bağlanıb. Hətta bu hadisədən sonra “Microsoft HoloLens” virtual simulyasiya qulaqlığı üzərində işləyən işçilərlə də Microsoft vidalaşıb.
Lakin Microsoft bu sahədə hədəflərini tam öldürmür. Keçən həftə texnoloji nəhəng immersiv texnologiyalara baxışı haqqında məqalə dərc edərək, tam metaverse adlandırılması doğru olmasa da şirkətin Qarışıq Reallıq eynəyi proqramına və HoloLens 2 modelini davam etdirəcəyini bildirib. Qəribər bir hal olaraq ənənəni başladan Meta şirkətinin özü belə bəzi metaverse layihələrini bitirir. Meta bu yaxınlarda iki ildən az bir müddət əvvəl aldığı Crayta şirkətini bağladığını açıqladı. Şirkət həmçinin Oculus ekosistemində məşhur metaverse oyunu olan Echo VR-ni də dayandırır.
Industrial Metaverse və AltspaceVR-ni bağlamasına baxmayaraq, Microsoft bəzi resurslarını aparıcı metaverse platforması olan Microsoft Mesh üçün yönləndirir. Hal-hazırda platformanı müəyyən bizneslərlə sınaqdan keçirir və daha da irəliləyiş əldə etmək üçün onların rəylərindən istifadə edir. Mənbə bildirir ki, Microsoft daha çox məhsuldar süni intellektə diqqət yetirir. OpenAI üçün sərmayə ayıran şirkət bu gün ChatGPT çatbotunu öz xidmətlərinə inteqrasiya etməyə maraqlıdır. Şirkət daha əvvəl ChatGPT texnologiyası ilə hazırlanmış xüsusi axtarış sistemi və brauzerini elan etmişdi.
