LCD və OLED displeylərə nisbətən əhəmiyyətli üstünlüklərə malik olan MicroLED ekran bazarında vəziyyət 2025-ci ildən sonra canlanacaq. Beləliklə MicroLED ekran bazarının gələcək illərdə inanılmaz səviyyələrdə investisiyalar əldə edəcəyi gözlənilir. Hətta 2028-ci ildə sürətlə inkişaf edəcək bazarda göstərici 1.46 milyard dollara çatacaq. Qeyd edək ki, bu inkişaf əsasən cihazlarda yeni MicroLED ekranlardan istifadə edilməsinə əsaslanacaq.
Display Supplay Chain tədqiqat şirkəti MicroLED ekran bazarının gələcəyi ilə bağlı hesabat dərc edib. Hesabata əsasən rahatlıqla qeyd etmək olar ki, 2025-ci ildən sonra MicroLED ekran bazarı canlanacaq. Habelə 2028-ci ildə bazar ən yüksək səviyyəyə çatacaq. Ümumiyyətlə MicroLED displeylər LCD və OLED displeylərə nisbətən əhəmiyyətli üstünlüklərə malik inqilabi texnologiya kimi qəbul edilir. LCD ekranlardan çox daha yaxşı cavab müddəti, rəng, kontrast və enerji səmərəliliyinə malik MicroLED panellər OLED panellərə nisbətən də bir çox üstünlüklərə malikdir. Ekranın yanması və az istifadə müddəti kimi mənfi cəhətlər MicroLED ekranlarda mövcud deyil.
Display Supply Chain Consultants şirkətinin hesabatına görə microLED bazarı 2028-ci ildə 1,46 milyard dollar ölçüsünə çatacaq. Habelə bu inkişafın əsasını ilk öncə ağıllı saatlar, daha sonra isə VR eynəkləri və avtomobil ekranları təşkil edəcək. MicroLED displeylər yüksək parlaqlıq və enerji səmərəliliyi kimi üstünlükləri sayəsində ağıllı saatlar da çox geniş istifadə olunacaq. Yəni MicroLED ekranlar ilk olaraq bəzi məhdudiyyətlər səbəbindən sadəcə kiçik həcmli cihazlarda öz yerini alacaq.
