Apple şirkətinin bir müdətdir ki, üzərində işlədiyi AirPods kamera konsepti artıq reallığa çevrilməyə çox yaxındır. Belə ki, Prototip mərhələsində gözləntiləri qarşılayan kameralı AirPods üçün istehsal icazəsinin verildiyi bildirilir.
Kameralı AirPods istehsal mərhələsinə çox yaxındır
Keçən ay Apple-ın kamera ilə AirPods konsepti üzərində işləməyə başladığını bildirən məşhur analitik Mark Gurman, bu ay investorlara göndərdiyi hesabatda layihənin aktiv inkişaf mərhələsinə keçdiyini bildirib. Belə ki, Bu mərhələdən sonra layihənin istehsala qədər olan mərhələləri planlaşdırılır və maya dəyəri hesablamaları aparılır. Ümumiyyətlə isə kamera konseptli AirPod-ların istehsala keçməsi üçün ekosistemin inteqrasiyası, istehsal həcmi və mənfəət marjası gözləntilərinə cavab verməlidir.
Xatırladaq ki, kameralı AirPods haqqında şayiələr ilk dəfə ortaya çıxanda, onların istifadəçinin ətrafını skan edən Apple Vision Pro virtual reallıq başlığının bir uzantısı olacağı güman edilirdi. İndi isə belə görünür ki, Apple Intelligence süni intellekt dəstinin imkanlarını genişləndirən və ona daha fərdiləşdirilmiş tövsiyələr təklif etməyə imkan verən köməkçi cihazdır. Hələlik isə cihazın hansı xüsusiyyətlərə sahib olacağı və digər AirPods modellərindən nələrə görə fərqlənəcəyi ilə bağlı məlumat yoxdur. Bununla belə, onun qiymətinin hazırkı AirPods modellərindən dəfələrlə fərqlənəcəyi düşünülür.
