Dünyanın ən çox istifadə edilən sosial media platformalarından biri olan Instagram tezliklə özünüzə dost yaratmağa imkan verəcək. Ümumiyyətlə Facebook, Instagram və WhatsApp kimi platformaları öz çətiri altında toplayan Meta son dövrlərdə süni intellekt sahəsində böyük addımlar atır. Belə ki, indi məlum olub ki, bu addımlardan biri də Instagram tərəfində olacaq. Artıq AI Friend adlı yeni süni intellekt əsaslı sistem hazırlanır. Bu sistem insanlara süni intellektə əsaslanan Instagram dostları yaratmağa imkan verəcək ki, onlarla yazılı və çox güman ki, səslə ünsiyyət qurmaq da mümkün olacaq.
Alessadro Paluzzi bildirib ki, istifadəçilər süni intellekt əsaslı yeni dotlarının cinsiyyət, etnik mənsubiyyət, yaş kimi fərdiləşdirmələrini özləri təyin edə biləcək. Bu isə bizə xəyalımızdakı rəqəmsal dostu yaratmağa imkan verəcək. Bundan əlvə yeni sistemin ilk ekranında “Salam! Suallarınızı cavablandıra bilərəm, yaşadığınız çətinliklərdən danışa bilərəm, ideyalarınızı təkmilləşdirə və daha çox şeydə sizə dəstək ola bilərəm” sözləri qeyd olunub. Hələlik AI Friend adlı bu sistemin nə vaxt istifadəyə veriləcəyi isə məlum deyil.
Bundan əlavə Instagrama yeni reklamsız abunəlilk sistemi də gəlir. Görünən odur ki, Meta Instagram platformasından tam yararlanaraq gəlirlərini artırmaq istəyir. Hətta ötən aylarda istifadəyə verilən pullu mavi quş ikonu da bunu bir daha sübut edir. Qeyd edək ki, istifadəçilər reklamsız olaraq Instagram və Facebook platformalarından istifadə edə bilmək üçün veb sayt üzərindən qoşulurlarsa 9.99 avro, iOS və Android cihazlarından qoşulurlarsa 12.99 avro ödəməlidir. Pullu abunəlik sistemi yaxın zamanda istifadəyə verilsə də, istifadəçilər yenə platformadan pulsuz şəkildə istifadə edə biləcək.
