Türkiyənin ən böyük şirkətlərindən biri olan Getir n11 şirkətinin bütün səhmlərini satın alıb. Xatırldaq ki, ötən il şirkət n11-ə 50 milyon dollar investisiya edərək 33 faiz hissələrini əldə etmişdi. İndi isə şirkətin qurucusu Nazım Salur elan edib ki, artıq n11 şirkəti ilə ortaqlıqları genişlənib və bütün səhmləri satın alınıb. Ümumiyyətə n11.com adlı şirkət 2013-cü ilin mart ayında məşhur Doğuş Holding və SK Planet tərəfindən qurulmuşdu. İndi isə şirkət bütün səhmlərini Getir şirkətinə satsa da, məbləğ açıqlanmayıb.
Hal-hazırda 9 fərqli ölkədə fəaliyyət göstərən Getir şirkətinin qurucusu bildirib ki, şirkət n11 platformasının qalan hissələrini də satın alıb. Artıq n11-in yeganə sahibi məhz Getir şirkəti hesab olunur. Qeyd edək ki, n11.com türkiyənin ən populyar ticarət platforması hesab olunurdu. Sürətli çatdırılma xidməti olan Getir-in platformanı satın alması ilə yeniliklər edəcəyi gözlənilir. Belə ki, Getir şirkətinin qurucusu Nazim Salur öz Twitter hesabında bildirib ki, ”Getir olaraq ötən il 3-də bir hissəsini alaraq ortaq olduğumuz n11-in qalan hissələrini də aldıq. n11 şirkətini quran və inkişaf etdirən tərəfdaşlarımız Doğuş qrupuna və SK Holdings şirkətinə bu günə qədər verdiyi töhfələr üçün təşəkkür edirəm. Yeni n11 tezliklə gəlir”.
Qeyd edək ki, Getir şirkətinin n11 kimi böyük ticarət platformasını satın alması yaxın gələcəkdə hər iki şirkətin təkmilləşməsinə səbəb olacaq. Hətta Getir şirkəti daha yeni təkliflər və funksiyalar ilə n11 istifadəçilərinin qarşısına çıxacaq. Lakin türkiyənin böyük şirkətlərindən biri olan Getir-in hansı yenilikləri edəcəyi hələlik məlum deyil.
