Sərnişinləri və yükləri təyyarə sürətində şəhərdən şəhərə daşımaq üçün boru ilə əhatə edilmiş nəqliyyat şəbəkəsinə sahib olan Hyperloop One artıq bağlanır. Belə ki, əvvəlki adı ilə Virgin Hyperloop olaraq tanına Hyperloop One şirkətinin aktivlərini satdığı, o cümlədən işçilərini çıxardığı bildirilir. Beləliklə sürətli nəqliyyat imkanı yaradan hyperloop one heç fəaliyyət göstərmədən bu ilin sonuna qədər bağlanır.
Ümumiyyətlə şirkət 2014-cü ildə qurulduqdan bəri vençur kapitalı fondlarından və digər investorlardan təxminən 450 milyon dollar məbləğində vəsait cəlb edə bilmişdi. Məhz bu layihənin və ya şirkətin bu qədər diqqət çəkməsinin əsas səbəblərindən biri də investisiya məbləğlərini çox olması idi. “Hyperloop” nəqliyyat texnologiyası sahəsində startaplar çox azdır və ən böyüklərindən birinin bağlanması da Elon Maskın xəyalının yarımçıq qaldığını göstərir.
Qeyd edək ki, Musk sərnişin və ya yüklə doldurulmuş aerodinamik alüminium kapsulların təxminən 1200 km/saat sürətə çata biləcəyini iddia etmişdi. Dirəklər üzərində və ya yer altında inşa edilən boru xətləri vasitəsi ilə şəhərdən şəhərə futuristik nəqliyyat təklif edən Hyperloop artıq bağlanır. Musk-ın iddiasına görə bu nəqliyyat vasitəsi ilə Los-Anceles şəhərindən San-Fransiskoya sadəcə 30 dəqiqəyə getmək mümkün olacaqdı. Lakin 2020-ci ildə aparılan sınaqlar zamanı nəqliyyat vasitəsi sadəcə 160 km/saat sürətində təhlükəsiz fəaliyyət göstərə bilmişdi. Bu isə iddia edilən göstəricidən təxminən 8 dəfə az olduğu üçün çox böyük mübahisə mövzusuna çevrilmişdi.
