Dünyada hər gün milyonlarla insanın istifadə etdiyi Facebook şirkəti 1 Dekabr tarixindən etibarən profillərdə olan məlumatlarda dəyişiklik edəcək. Belə ki, dəyişikliklərin nə ilə bağlı olduğu bildirilməsə də gələn aydan etibarən tətbiq ediləcəyi məlum olub. Business Insider tərəfindən verilən məlumata görə Meta şirkətinə məxsus olan sosial şəbəkə istifafadəçilərin profillərindən dini rəy, siyasi baxışlar, cinsi oriyentasiyalar və həmçinin ünvan məlumatları ilə bağlı olan bölmələri siləcək.
Mark Zukerberq-in qurucusu olduğu Meta şirkətinə məxsus olan platforma daha əvvəl də dini rəy və cinsi oriyentasiyalar bölmələrini silmək qərarına gəlmişdi. Şirkətin verdiyi son məlumata əsasən isə siyasi rəy və ünvan bölmələri ilə birlikdə məlumatların hər biri istifadəçi profillərindən tamamilə yığışdırılacaq.
Əlavə olaraq qeyd edək ki, ötən həftə Facebook platformasını sahibi olan Meta şirkəti bəzi açıqlamalar etmişdi. Belə ki, şirkət 11 min işçisinin yəni işçi qüvvəsinin 13%-ni işdən çıxardığını bildirmişdi. Bu ixtisara səbəb isə Mark Zukerberqin metaverse dünyasına olan marağı olmuşdu. Şirkət metaverse virtual reallıq dünyasına əhəmiyyətli miqdarda investisiya etdikdən sonra milyardlarla dollar itirmişdi. Aydın məsələdir ki, buna səbəb metaverse platformasının istənilən səviyyədə inkişaf göstərməməsi idi. Nəticə etibarilə 2004-cü ildə qurulmuş şirkət öz tarixində ilk dəfə bu qədər böyük miqyaslı ixtisarlar etdi. İxtisarın baş vermə detalları ilə bağlı daha çox məlumat öyrənmək üçün xəbərimizə aşağıdan keçid edə bilərsiniz.
