Twitter baş icraçı direktoru olan Elon Musk təkrarən yeni bir addımı ilə gündəmə gəlib. Belə ki, ötən gecə Twitter hesabında anket başladan Elon Musk, anket nəticələrinə görə Twitter rəhbərliyindən istefa edəcəyini bilidirib. Tam olaraq bu yazının yazıldığı vaxt etibarilə 3 saat sonra yekunlaşacaq anketdə indiyə qədər 14 milyondan çox insan iştirak edib. Nəticəsi olduqca maraqlı olsa anketin nəticələrinə görə Elon Musk irəliləyən saatlarda ya atdığı bu addımın zarafat olduğu, ya da həqiqətən gedəcəyini elan etməlidir. Çünki, an etibarilə iştirak edən 14 milyon insan arasında 56%-dən çoxu “Bəli, get” cavabını seçib. Lakin qeyd etmək lazımdır ki, Elon Musk “Anket nəticələrin mütləq riayət edəcəyəm” deyə də bildirib.
Elon Musk anket nəticələrinə görə həqiqətən Twitter rəhbərliyindən gedəcək?
Əsas suallardan biri də məhz budur. Elon Musk ötən gün Dünya Kubokunu izləmək üçün Qətərə yollanmışdı. Hətta bunu təsdiq edən görüntülər də tərəfindən paylaşıldı. İddialara görə Səudiyyə Ərəbistan və Qətərdən Twitter platformasına yatırım edəcək ciddi investorlar ilə Elon Musk danışıqlar aparmış ola bilər. Lakin Elon Musk sosial medianın idarəçi qismində çox böyük bir potensiala sahib deyil. Ona görə də investorları razı salmaq məqsədi ilə Elon Musk, Twitter platformasında baş icraçı direktor vəzifəsindən anket bəhanəsi ilə getməyi planlaşdırmış ola bilər.
Ötən həftə dünyanın ən zəngin adamı statusunu da itirən Elon Musk, platformanın borclarını ödəmək məcburiyyətindədir. Digər bir tərəfdən platformanın ümumi həcmi 10 milyard dollar üzərində olan borcunun 1,2 milyard dolları növbəti ilin noyabr ayına qədər ödənməlidir. Üstəlik yaxın dövr ərzində 13 milyard dollarlıq fərqli bir borclar da ödənilməli idi. Lakin borclar ödənilsə belə şirkəti ayaqda saxlayacaq gəlir mənbələri xərcləri demək olar qarşılamır. Nəticədə əgər Elon Musk ciddi bir investisiya təklifi alıbsa, böyük bir ehtimalla bu təklifi çox yüksək dəyərləndirəcək.
Anketin necə sonlanacağını isə aşağıdakı tvitdən izləyə bilərsiniz:
