Apple firmasının sektorda özünəməxsus kütləsi və prestiji olduğu məlumdur. Məhz bu səbəbdəndir ki, illərdir şirkətin çıxardığı məhsullar dünya böhran vəziyyətində belə olsa rəqiblərinə görə xeyli çox satılır. Apple şirkətinin biraz keçmişinə getsək, hətta Apple-ın necə yarandığını araşdırmağa çalışsaq tarixlər 1976-cı ili göstərəcək. Dünyanın ilk 8 bitlik Apple 1 kompüteri həmin il Seteve Jobs və Steve Wozniak tərəfindən hazırlanmışdı. Həmin kompüter o qədər uğurlu oldu ki, 666.66$ qiymət etiketi ilə satışa çıxarıldı. 666.66 rəqəmi isə, Steve Wozniak-ın təkrarlanan rəqəmləri sevməsi səbəbindən təyin edilmişdi. Təqribi 200 ədəd istehsal edilən kompüter iyunda satışa çıxarıldığı vaxtdan etibarən 9-10 ay ərzində satıldı. Dostlar isə ləngimədən 1977-ci ildə Apple 2 kompüterini hazırladı.
Steve Jobs və Steve Wozniak tərəfindən hazırlanmış Apple 1 prototipi hərracdadır
Dostların hazırladığı xüsusi prototip uzun bir müddət itmiş hesab edilirdi. Daha sonra kompüter tarixçisi Corey Cohen aparılan araşdırmalar nəticəsində həmin prototip yenidən aşkarlandı. Bu prototipi dəyərli edən şey onun məhz Steve Jobs və Steve Wozniak tərəfindən elə məhz 1976-cı ildə Paul Terrell mağazasına təqdim etmək üçün hazırlaması idi. Prototip üzərində Steve Wozniak-ın əli ilə atdığı lehimlər və bəzi xırda çatlaqlar mövcuddur.
Hal-hazırda RR Auction adlı hərracda Apple 1 prototipi üçün yüksək təkliflər verilir. Hərrac 18 avqust tarixinə qədər davam edəcək. O vaxta qədər yarım milyon dollara qədər təkliflərin artacağı gözlənilir. Cümə gününə qədər hərracın başladığı ilk 2 gün ərzində Apple 1 kompüterinə 230.000 dollara qədər təklif verilib. Qarşıda hələ çox vaxt olduğunu nəzərə alsaq, təkliflərin o vaxta qədər hələ çox yüksələcəyi dəqiqdir.
Sonuncu dəfə başqa bir Apple 1 modeli 2020-ci ildə Londonda 470.000 dollara satılıb. Bu prototip isə böyük bir ehtimalla daha yüksək dəyərə sahib olacaq.
