Mütəxəssislərin, uzun müddətdir üzərində işlədiyi araşdırmalar öz nəticəsini verib. Alimlər, Çində aparılan araşdırmalar nəticəsində xəstəlikləri aşkar etməyin yeni üsulunu ortaya çıxardıblar. Araşdırmaya görə, insanın göz yaşlarından xəstəliyi aşkar etmək və onu müalicə etmək mümkün olacaq. Bu şəkildə sidik və qan testləri ilə yanaşı, göz yaşlarından da xəstəliklərin diaqnozu təyin edilə biləcək.
insanın göz yaşının xəstəlikərin tapılmasında böyük rolu olacaq!
İnsanlar özlərini pis hiss etdikdə ağlamağa ehtiyacı duyurlar. Bu vəziyyət əslində qorxu və kədər kimi duyğuların ifadəsidir. Həmçinin aparılan araşdırma, ağlayarkən gözlərdən axan yaşların fiziki sağlamlıq haqqında insanların məlumatlı olmasını təmin edib. Xəstəliyin aşkarlanması üçün adətən fiziki müayinə, sidik və qan nümunələrinin toplanması tələb olunur. İTEARS adlı araşdırmanı həyata keçirən qrup isə xəstəliyin aşkarlanması prosesini xeyli sadələşdirməyi hədəfləyir.
Tibbdə yeni bir dövr başlayır!
Tədqiqatçılar, insanın göz yaşını daha ətraflı araşdırmaq və məlumat toplamaq üçün yeni bir üsul tətbiq edir. İlk öncə alimər, iş yoldaşlarının göz yaşlarını toplayıblar. Növbəti mərhələdə alimlər gözyaşının standart məhlulunu iki nanoməsaməli membranı olan cihaza yerləşdiriblər. Beş dəqiqə gözlədikdən sonra göz yaşları analiz edilib. Daha sonra göz yaşlarının olduğu membranları vibrasiya edərək yaranan məhlulu sıxıblar. Bu proses kiçik molekulların bir neçə dəqiqə ərzində çölə çıxmasına imkan verib. Araşdırmanın nəticəsində alimlər göz yaşının xəstəliklərin müəyyən olunmasında istifadə oluna biləcəyini bildiriblər.
Alimlər həmçinin bildirib ki, bəzi göz xəstəlikləri göz yaşlarında fərqli nümunələr qoya bilir. Əgər araşdırmalar biraz da dərinləşdirilsə diabet xəstəliyini belə göz yaşı vasitəsi ilə diaqnoz etmək olacaq. Beləliklə, xəstəliklərin diaqnozu daha asan və nisbətən əziyyətsiz olmalıdır.
Sizcə göz yaşının, xəstəliklərin tapılmasına köməyi olacaqmı? Fikirlərinizi aşağıdan rəylər bölməsində bizimlə bölüşə bilərsiniz.
